რუსეთის პრეზიდენტის პრეს-მდივანმა, დიმიტრი პესკოვმა განაცხადა, რომ ვლადიმერ პუტინს ჯერჯერობით არ გამოუცხადებია საპრეზიდენტო არჩევნებში მისი მონაწილეობის შესახებ და ამ საკითხის გარშემო „წინ გაქცევას“ არავინ აპირებს.
„იცით, რომ პრეზიდენტს ჯერ კიდევ არ გამოუცხადებია თავისი გადაწყვეტილება. პრეზიდენტის ადმინისტრაცია ზუსტად იმ მომენტით ხელმძღვანელობს, როცა პრეზიდენტი განაცხადებს თავის გადაწყვეტილებას. და ამისაგან შედგება ჩვენი სამუშაო“, განაცხადა პესკოვმა არჩევნებზე პუტინის ნდობით აღჭურვილი პირების ახალი სიის ფორმირების შესახებ ჟურნალისტების მიერ დასმული შეკითხვის საპასუხოდ.
მასობრივი ინფორმაციის საშუალებების ცნობები პუტინის საპრეზიდენტო კანდიდატად წამოყენების თაობაზე - ეს „ჰიპოთეტური“ განხილვებია, აღნიშნა პესკოვმა.
„კიდევ ერთხელ ვიმეორებ: პრეზიდენტს არ გაუხმოვანებია რაიმე გადაწყვეტილება, არ უსაუბრია თავისი კანდიდატურის წამოყენების განზრახვაზე, ჯერჯერობით მიმდინარეობს ჩვეულებრივი, საკმაოდ დაძაბული ყოველდღიური მუშაობა, ყველა წინასაარჩევნო პროცედურა, უდავოდ, ვინც არ უნდა იყრიდეს კენჭს, კანონთან ზუსტ შესაბამისაობაში უნდა განხორციელდეს“, განაცხადა პუტინის პრეს-მდივანმა, როგორც ამას სააგენტო „რია ნოვოსტი“ იტყობინება.
უფრო ადრე „კომერსანტმა“ თავის წყაროზე დაყრდნობით დაწერა, რომ პრეზიდენტის ადმინისტრაციაში შეჯერდნენ იმაზე, თუ როგორ მოხდება წამოყენება: ის ორი ეტაპისგან იქნება წარმოდგენილი, წამოყენება ხელმოწერების შეგროვების გზით მოხდება.
ვლადიმერ პუტინმა მაისში განაცხადა, რომ რუსეთის 2018 წლის საპრეზიდენტო არჩევნებში მისი მონაწილეობის შესახებ საუბარი ჯერ ნაადრევია
რუსეთში საპრეზიდენტო არჩევნები 2018 წელს გაიმართება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.