თბილისში, რუსთაველის გამზირზე „ქართული მარშის“ აქციაზე სამართალდამცავებმა ცოტა ხნის წინ აქციის ერთ-ერთი ორგანიზატორი ლადო სადღობელაშვილი დააკავეს.
რუსთაველის გამზირზე გამართულ აქციაზე მანამდე, მსვლელობის მონაწილეებსა და პოლიციას შორის შეხლა-შემოხლა მოხდა. დაპირისპირების მიზეზი აქციის მონაწილეთა მიერ „ქართული ოცნების” საარჩევნო შტაბში შესვლის მცდელობა გახდა, რისი საშუალებაც მათ სამართალდამცავებმა არ მისცეს.
უფრო ადრე კი, აქციის მონაწილეები ფონდ „ღია საზოგადოება საქართველოს” შენობასთან იმყოფებოდნენ და აღნიშნული ორგანიზაციის მუშაობის შეჩერებას მოითხოვდნენ.
რუსთაველის გამზირზე აქცია ამ დროისთვის დასრულებულია.
„ქართული მარშის“ წევრებმა მასშტაბური საპროტესტო აქციები და 500-კაციანი „სასიკვდილო შიმშილობის" დაწყება გუშინ, 11 სექტემბერს დაანონსეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.