კატალონიის პრეზიდენტი კარლეს პუჩდემონი აცხადებს, რომ კატალონია არ მიიღებს მადრიდის გეგმას შეაჩეროს რეგიონის ავტონომია.

როგორც BBC იუწყება, განცხადებაში, მან პირდაპირი წესით მმართველობის დაწესება აღწერა, როგორც ყველაზე საშინელი თავდასხმა კატალონიის ინსტიტუტებზე ფრანკოს დიქტატორობის შემდეგ.

ესპანეთის პრემიერ მინისტრის, მარიანო რაჰოის გეგმები მოიცავს კატალონიის ლიდერების მმართველობიდან ჩამოცილებას და რეგიონის პარლამენტის საქმიანობის შეჩერებას და ვადამდელი საპარლამენტო არჩევნების ჩატარებას ითვალისწინებს.

პუჩდემონმა განაცხადა, რომ ესპანეთის მთავრობა მოქმედებდა კატალონიის დემოკრატიული სურვილის წინააღმდეგ მას შემდეგ, რაც უარი განაცხადა დიალოგის ყველა შეთავაზებაზე.

მან აღნიშნა, რომ იგი მოუწოდებს კატალონიის პარლამენტს სესიის მოწვევისკენ, რათა გაიმართოს დისკუსია რაჰოის გეგმების საპასუხოდ.

ევროპელი მოქალაქეებისადმი ინგლისურ ენაზე გაკეთებულ მიმართვაში მან დაამატა, რომ ევროპის კავშირის დამფუძნებელი ღირებულებები „რისკის ქვეშაა კატალონიაში“.