მარტვილის მუნიციპალიტეტში, გამგეობისა და საკრებულოს მხარდაჭერითა და ინიციატივით მასშტაბური დასუფთავების აქცია ჩატარდა, რომელშიც ადგილობრივი ხელისუფლებისა და მუნიციპალიტეტის სხვადასხვა სამსახურის წარმომადგენლები მონაწილეობდენ.

მარტვილის მუნიციპალიტეტის გამგებელმა ალექსანდრე გრიგალავამ დასუფთავების აქციასთან დაკავშირებით განაცხადა, რომ დასუფთავების აქცია სისტემატურად ტარდება და ის "მიზნად ისახავს სუფთა გარემოს შენარჩუნებას, ადგილობრივი მოსახლეობის მაქსიმალურ ჩართვას გარემოს დაცვით აქტივობებში და მოსახლეობის ცნობიერების ამაღლებას, რაც საბოლოო ჯამში შეამცირებს დაბინძურების დონეს. მიუხედავად იმისა, რომ შესაბამისი სამსახურების მიერ ყოველდღიურად სუფთავდება დანაგვიანებული ტერირორიები, მაინც ჩნდება დაბინძურების ახალი კერა, ვერცერთი სამსახური ვერ აღმოფხვრის საბოოლოოდ ამ პრობლემას თუ თითოეული მოქალაქის გულისხმიერი დამოკიდებულება არ იქნა ამ საკითხისადმი," - აღნიშნა ალექსანდრე გრიგალავამ.

აქციის მონაწილეებმა მუნიციპალიტეტის ტერიტორია პოლიეთილენის ბოთლების, პარკებისა და სხვა საყოფაცხოვრებო ნარჩენებისგან გაწმინდეს.