„ამერიკის შეერთებულ შტატებს ელჩს ვერ დაუბლოკავს ვერავინ, ვერსად“, ასე ეხმაურება საქართველოს პარლამენტის თავმჯდომარის პირველი მოადგილე გავლენიანი ამერიკული გამოცეემა „Foreign Policy"-ის სტატიას, რომელშიც ნათქვამია, რომ ბიძინა ივანიშვილი საქართველოში ამერიკის ელჩად ბრიჯით ბრინკის კანდიდატურას ბლოკავს.

თამარ ჩუგოშვილი მიიჩნევს, რომ საუბარი იმაზე, რომ ამერიკელი დიპლომატი რომელიმე ქვეყანაში იბლოკება, აშშ-ს სახელმწიფო დეპარტამენტისთვის დიდი შეურაცხყოფის მიყენებაა.

„ამერიკის სახელმწიფო დეპარტამენტს, რომელიც მსოფლიოში ერთ-ერთი ყველაზე ძლიერი ინსტიტუტი არის და მძლავრი, ძალიან სერიოზულ შეურაცხყოფას აყენებს, მე მგონი, საუბარი ამაზე", უთხრა ჩუგოშვილმა ჟურნალისტებს.

„Foreign Policy"-ი წერს, რომ ელჩის კანდიდატის დაბლოკვის უკან ბიძინა ივანიშვილი იდგა, რადგან ბრიჯიტ ბრინკი მიხეილ სააკაშვილისადმი მეტისმეტად კეთიგანწყობილად მიიჩნიეს.