„რუსთავი 2"-ის გარშემო განვითარებულ მოვლენებთან დაკავშირებით, დამოუკიდებელი დეპუტატი ეკა ბესელია პოლიტიკურ კონტექსტს არ გამორიცხავს.

ბესელია აცხადებს, რომ „ექსპერიმენტების ჩატარება" ქვეყნისთვის სახიფათო იქნება.

„ორივე კონტექსტი გასათვალისწინებელია, აქეთ ერთის მხრივ, სტრასბურგის სასამართლოში ეს საქმე, რომელიც არ დამთავრებულა და მეორეს მხრივ, ძალიან მძიმე კრიტიკული განწყობები სასამართლოს მიმართ, რომელზედაც უკვე ჩვენი საერთაშორისო პარტნიორები ღიად და დაუფარავად ლაპარაკობენ. ამიტომ, ეს მმართველმა პარტიამ უნდა გააცნობიეროს რა ტიპის გამოწვევაა ახლა და აქ რაღაცა ასეთი ექსპერიმენტების ჩატარება, მე მგონია, რომ ქვეყნისთვის ძალიან სახიფათო იქნება", უთხრა ეკა ბესელიამ „რუსთავი 2"-ს.

„რუსთავი 2"-ის გენერალური დირექტორი აცხადებს, რომ სამაუწყებლო კომპანიის 9%-ის მფლობელი ნინო ნიჟარაძე დაგროვილი გადასახადების სახით კომპენსაციას ითხოვს.

ნიკა გვარამიას შეფასებით, ნიჟარაძის უკან ხელისუფლება დგას.