საპარლამენტო ფრაქცია „ქართული ოცნების“ თავმჯდომარის, მამუკა მდინარაძის განცხადებით, მიხეილ სააკაშვილი უკრაინის კურორტ ტრუსკავეცში იმყოფება.

„მიხეილ სააკაშვილი იმყოფება უკრაინაში, კურორტ ტრუსკავეცში. რა სიმბოლურია, მისსავე ენაზე ტრუსკავეცში რომ იმყოფება. ღამით იმყოფებოდა, ვითომ ვიდეოს რომ დებდა, სასტუმრო „რიქსოსში“. შეიძლება ამ ინფორმაციის გახმოვანების შემდეგ დაიმალოს, მაგრამ ეს ინფორმაცია არ დაიმალება. ამ კაცმა კიდევ ერთხელ დაამთავრა საკუთარი პოლიტიკური მოღვაწეობა საბოლოოდ. ამ მოქმედებით, ბინძური „ფეიკით“, რომელიც დღეს გამოამზეურა, დამთავრდა „ნაცმოძრაობა“. ეს ერთი მხრივ, ძალიან კარგია, რადგან ამ ქვეყანას სჭირდებოდა, რომ პოლიტიკურად ამორალური ძალა დასრულებულიყო. წავიდა ვაბანკზე და ამ ვაბანკის, რისკის შედეგად მიიღო ის, რომ „ნაცმოძრაობა“ დღეს დასრულდა და ამას ქართველი ხალხი „ნაცმოძრაობას“ აჩვენებს საარჩევნო ყუთებთან“, - განაცხადა მდინარაძემ ბრიფინგზე.

საქართველოს ყოფილმა პრეზიდენტმა, მიხეილ სააკაშვილმა Facebook-ზე ვიდეოები გამოაქვეყნა, სადაც ამბობს, რომ ბათუმში იმყოფება. იგი მოუწოდებს მოქალაქეებს 3 ოქტომბერს თბილისში რუსთაველის გამზირზე შეიკრიბონ და თუკი თავისუფლების მოედანზე 100 000 ადამიანი მივა მათი „დამმარცხებელი ძალა არ იქნება“ არ იქნება.