საქართველოს ყოფილი პრეზიდენტი მიხეილ სააკაშვილი Facebook-ზე მორიგ ვიდეოს აქვეყნებს და ამბობს, რომ ბათუმში იმყოფება. იგი მოუწოდებს მოქალაქეებს 3 ოქტომბერს თბილისში რუსთაველის გამზირზე შეიკრიბონ და თუკი თავისუფლების მოედანზე 100 000 ადამიანი მივა მათი „დამმარცხებელი ძალა არ იქნება“ არ იქნება.

„მეგობრებო, მოგესალმებით ჩემი ბათუმიდან, ჩემი სიამაყიდან. რამდენი რაღაცა გაკეთდა ახალი, თუმცა ეს ბულვარი და ეს პროექტები მე უკვე დახაზული მქონდა, ცოტა უკეთესად წარმომედგინა. ხომ ხედავთ, რომ მე გავრისკე ჩემი სიცოცხლეც და თავისუფლებაც და ჩამოვედი აქ, მიუხედავად მუქარებისა, ყველანაირის. მინდა გთხოვოთ, 2-ში მივიდეთ არჩევნებზე და ყველამ ხმა მივცეთ „ნაციონალურ მოძრაობას“, არავითარ შემთხვევაში არ მოსცეთ ხმა ივანიშვილს, არც გახარიას, რომელიც მე ციხეში მიპირებს გამოკეტვას... 2 რიცხვში ხმის დათველებს ერთად ვაკეთებთ და 3-ში ვიკრიბებით [თბილისში], რუსთაველზე, თავისუფლების მოედანი გავავსოთ და როცა ვიქნებით 100 000 კაცი, დარწმუნებული ვარ, რომ ჩვენი დამმარცხებელი ძალა არ იქნება და მეც რა თქმა უნდა შემოგიერთდებით“, - აცხადებს მიხეილ სააკაშვილი.