GUARDIAN.GE - თურქეთის პრეზიდენტმა რეჯეფ თაიფ ერდოღანმა განაცხადა, რომ ახლა დროა „სოლიდურ შედეგებს ველოდოთ“ რუსეთსა და უკრაინას შორის მიმდინარე მოლაპარაკებებიდან. სტამბოლში საუბრისას ერდოღანმა ხაზი გაუსვა, რომ „ორივე მხარეზეა დამოკიდებული, რომ შეჩერდეს ეს ტრაგედია“.

„ჩვენ ვფიქრობთ, რომ ვიმყოფებით პერიოდში, სადაც უნდა ველოდოთ სოლიდურ შედეგებს მოლაპარაკებებიდან. ცეცხლის დაუყოვნებლივ შეწყვეტა და მშვიდობა ყველას სარგებელს მოუტანს“, - განაცხადა ერდოღანმა სტამბოლში რუსეთ-უკრაინის მოლაპრაკებების დაწყებიდან რამდენიმე საათით ადრე.

უფრო ადრე, ერდოღანმა განაცხადა, რომ უკრაინამ და რუსეთმა მოლაპრაკებებზე ექვსი საკითხიდან ოთხზე ჩანს, რომ „ურთიერთგაგებას“ მიაღწიეს.

ვოლოდიმირ ზელენსკიმ კი განაცხადა, რომ უკრაინა მზად არის მიიღოს ნეიტრალური და არაბირთვული სტატუსი, ოღონდ რეფერენდუმის გზით, რომელიც უკრაინის ტერიტორიიდან რუსული ჯარების გაყვანის შემდეგ უნდა ჩატარდეს.