ლევან ცაბაძე - ლეგენდარული ქართველი მორაგბის სპორტული და პოლიტიკური თამაშები
24-07-2015, 02:30

შრიფტის ზომა: [ A+ ] / [ A- ]

 

საქართველოს მორაგბეთა ეროვნული ნაკრების ყოფილი კაპიტანი, საფრანგეთში უმაღლეს საკლუბო დონეზე დიდი ხნის განმავლობაში მოთამაშე, ლეგენდარული ქართველი მორაგბე ლევან ცაბაძე დღეს პოლიტიკურ „თამაშებშია“ ჩართული და სამცხე-ჯავახეთის რეგიონში ასპინძის მუნიციპალიტეტს ხელმძღვანელობს. იგი ფიქრობს, რომ სარაგბო სფეროში დარჩენა მისთვის ძალიან კარგი იქნებოდა, თუმცა ახლა ამ თემაზე საუბარს ერიდება და მთელი ენერგიითაა გადართული მშობლიური კუთხის პრობლემების მოგვარებაზე.


სად უფრო ძნელია ლელოს გატანა და სად უფრო გამტანნი არიან მეგობრები, რაგბიში თუ პოლიტიკაში, როგორ შეეგუა ფრანგულ ცხოვრებას და რა მსგავსებას და განსხვავებას ხედავს ფრანგებსა და ქართველებს შორის, რამ მისცა საქართველო-რუმინეთის მორაგბეთა ეროვნული ნაკრებების შერკინებისას მძიმე ტრამვა-მიღებულ კაპიტანს სათამაშო მოედანზე დაბრუნების და გადამწყვეტი ლელოს გატანის ძალა, ამას მასთან ჩაწერილი ინტერვიუდან შეიტყობთ.

 



ბატონო ლევან, თქვენ ცნობილი ქართველი რაგბისტი, საქართველოს მორაგბეთა ეროვნული ნაკრების  კაპიტანი იყავით, დიდი ხანი თამაშობდით საფრანგეთში. გვითხარით, რატომ დაბრუნდით საქართველოში, რატომ იყარეთ კენჭი ასპინძის მუნიციპალიტეტის გამგებლის პოსტზე 2014 წელს? რამ მიგაღებინათ საჯარო სექტორში წასვლის გადაწყვეტილება?


მოგესალმებით და მადლობას მოგახსენებთ ინტერვიუსთვის. დავბრუნდი, რადგანაც ვთვლი, რომ ყველა ქართველი ცხოვრების გარკვეულ პერიოდში შეიძლება წავიდეს უცხოეთში გარკვეული გამოცდილების მისაღებად, მაგრამ მიმაჩნია,  რომ ყველა ქართველი უნდა ცხოვრობდეს თავის ქვეყანაში და ემსახურებოდეს თავის ქვეყანას. ერთი ეს და მეორე ის, რომ მე ჩემი სამშობლო უზომოდ მიყვარს და ამან მიმაღებინა ეს გადაწყვეტილება, რომ დავბრუნებულიყავი საქართველოში.  
რაც შეეხება საჯარო სამსახურს, მოხდა ისე, რომ მომიწია საჯარო სამსახურის დაწყება. ხოლო რაც შეეხება ასპინძას, ყოველთვის ვაცხადებდი ამას, რომ მე ვარ ამაყი, რომ ვარ მესხი. ვთვლი, რომ ეს კუთხე ჩვენი ქვეყნისთვის ძალზედ მნიშვნელოვანი კუთხეა თავისი ადგილმდებარეობით. ისტორიას რომ გადავხედოთ, სამცხე-ჯავახეთი, მესხეთი იყო ყოველთვის კულტურული და პოლიტიკიური წინამძღოლი ქვეყნისა. როდესაც ამ კუთხეს პრობლემები შეექმნა, საქართველოს შეექმნა მთლიანად პრობლემები. მაგრამ შინაგანად მწამს, რომ ერთ მშვენიერ დღეს, თუ აქაურობა აყვავდება და გაბრწყინდება, ქვეყანაც გაძლიერდება. ეს ჩემი პირადი შეხედულებაა და ძალიან დიდმა სიყვარულმა სამცხე-ჯავახეთისამ განაპირობა ის, რომ მე დღეს ვმოღვაწეობ აქ და ვარ ბედნიერი იმით, რომ კიდევ ერთხელ მომეცა საშუალება ვემსახურო ჩემს სამშობლოს.


რამდენად რთულია სფერო, სადაც მოღვაწეობთ - გამომდინარე თუნდაც რეგიონის სპეციფიკიდან? სად უფრო ძნელია „ლელოს გატანა“, რაგბიში თუ პოლიტიკაში?


(იცინის) ლელოს გატანა ისეთი თემა არის ცხოვრებაში, რომ... ჩემთვის ცხოვრება მთლიანად, ლელოს გატანაა. როდესაც სიყვარულით აკეთებ რაღაცას, ეს სირთულეს არ წარმოადგენს. რამდენად რთულია ჩემს პოზიციაზე მუშაობა? მინდა გითხრათ, რომ ჩემთვის ეს სფერო ახალი და რთული  იყო, მაგრამ ნელ-ნელა, როდესაც ცდილობ რომ იყო კორექტული, ყურადღებით ხარ რომ არაფერი გამოგეპაროს, ეჩვევი ამ ყველაფერს და სწავლობ. დღესდღეობით, ჩემი გადასახედიდან არც ისე რთული არის. იმისთვის, რომ იყო რაღაცაში წარმატებული, აუცილებელია სიყვარულით აკეთო საქმე, რაც ყოველთვის შედეგს გაძლევს. ერთი სიტყვით, საკეთებელი ძალიან ბევრი დაგვხვდა და ნელ-ნელა ვაკეთებთ კიდეც.


ძირითადად რა სახის პრობლემებს აწყდებით და როგორია თქვენი განცდა, როდესაც ამ პრობლემების მოგვარებას ვერ ახერხებთ?


დღესდღეობით თვითმმართველობა ასე ვთქვათ  ჯერ კიდევ ჩამოყალიბების პროცესშია. რაც შეეხება პრობლემებს, ასეთ რეგიონებში უამრავი პრობლემაა დაგროვილი. მე პირადად მივიღე გადაწყვეტილება, რომ აგვეღო კურსი და მოგვეგვარებინა დავუშვათ ერთი ძირითადი პრობლემა, რომ მას აღარასოდეს აღარ დავბრუნებოდით.  მაგალითად ჩემი რაიონის სოფლების 90% -ს არ ჰქონდა მისასვლელი გზა, იყო კატასტროფული მდგომარეობა და გადავწყვიტე რომ ჩემი ოთხწლიან პერიოდში აბსოლუტურად მომეგვარებინა ყველა სოფელში მისასვლელი გზის პრობლემა. ჯერჯერობით წარმატებით მივყვებით ამ გეგმას და ვთვლი რომ თუ ასე გავაგრძელებთ, 2017 წლისთვის აღარ დარჩება ისეთი სოფელი, სადაც იქნება ასფალტიანი გზის პრობლემა.

 


არის უამრავი პრობლემა, რომელსაც  ვერ ვწყვეტთ ჯერჯერობით იმიტომ, რომ მოგეხსენებათ ჩვენი მუნიციპალიტეტი არ არის მდიდარი მუნიციპალიტეტი, ტრანსფერზეა ძირითადად დამოკიდებული. შემოსავალი ცენტრალური ბიუჯეტიდან არის და აქედან გამომდინარე,  ვფიქრობ, რომ ჩვენი მთავრობა სტრატეგიულ გეგმას მიყვება, რომ განვითარდნენ რეგიონები და ერთ მშვენიერ დღეს მივაღწევთ რომ ასპინძაც ერთ-ერთი მდიდარი რაიონი გახდეს და ამის მერე შეიძლება ძალიან ბევრი ისეთი პრობლემის გადაჭრა, რომელიც დღეს შეუძლებლად მიმაჩნია. მაგალითად, ასეთ საკითხად მოსახლეობის ეკონომიკური მდგომარეობის გაუმჯობესება მიმაჩნია. ასპინძაში მცხოვრებთა დაახლოებით 85% არის სიღარიბის ზღვარს მიღმა. სამწუხაროდ, ძალიან მწყდება გული რომ ვერ ვეხმარებით მათ ამ ეტაპზე, გარდა იმისა, რომ ასეთი ოჯახები იღებენ სოციალურ შემწეობებს, მაგრამ ასე ხომ არ უნდა გაგრძელდეს სულ?


რა პროექტების განხორციელება შეძელით თქვენი გამგებლის პოსტზე ყოფნის პერიოდში?

 


იცით რაშია საქმე? 2013 წლის მაისიდან ვარ ხალხის მიერ არჩეული  გამგებელი და როგორც უკვე გითხარით, მიმართულება ავიღეთ იქით, რომ მსხვილი პრობლემები გადაგვეჭრა. ეს მიმართულება არის საგზაო ინფრასტრუქტურის  მოწესრიგება. დავიწყეთ და ზოგან უკვე განვახორციელეთ უსერიოზულესი პროექტები. ისეთ ადგილებში მოგვიწია გზების მოასფალტება, სადაც კომუნისტების დროსაც კი არ ყოფილა ასფალტი დაგებული. დღესდღეობით  უკვე მოგვარებულია სოფლების ნაწილში ეს პრობლემა. თუ კი უგზოობის გამო ადრე 3 საათი იყო საჭირო რაღაც მონაკვეთის გასავლელად, ახლა ეს დრო 25 წუთამდე შემცირდა. სოფლების დიდ ნაწილში შეყვანილია ბუნებრივი გაზი, სასმელი წყალი. ყველა ოჯახს აქვს სახნავ-სათესი მიწა და აქვთ იმის საშუალება, რომ მისდიონ მესაქონლეობას. აქედან გამომდინარე, ყოველივე ეს ხელს უწყობს აქაურ მცხოვრებლებს, რომ წელგამართულნი იყვნენ.


ასევე აღვადგინეთ სარწყავი სისტემები,  მეხსიერება თუ არ მღალატობს,  დაახლოებით 10-12 წელია დაბაში სარწყავი წყლის სისტემა აღარ არსებობდა, რაც სერიოზულ პრობლემას ქმნიდა. ჩავატარეთ მნიშვნელოვანი სარეაბილიტაციო სამუშაოები და დღესდღეობით თითოეულმა გლეხმა შეიძლება მორწყას თავისი ტერიტორია, რაც ეგრევე აისახა ხვნის შედეგზე.


აგრეთვე, ჩვენს მიერ მოხდა მოზიდვა, მუნიციპალური განვითარების ფონდის მეშვეობით მსოფლიო ბანკიდან თანხების, გრანტის სახით მოპოვება, რომლითაც ვარემონტებთ დაბაში არსებულ საბავშვო ბაღებს, სადაც კატასტროფული მდგომარეობა იყო. მე მრცხვენოდა იმ ბავშვების მშობლებისთვის  თვალებში შეხედვა, ისეთი ანტისანიტარია და საშინელი მდგომარეობა იყო. სულ რამდენიმე თვეში მივიღებთ ევროპული სტანდარტის საბავშვო ბაღებს, რაც ჩვენთვის ასევე საამაყოა. რა ვიცი, სერიოზული სამუშაოების გაკეთება მოვასწარით ამ დროში და ვფიქრობ, რომ კიდევ უფრო ბევრს გავაკეთებთ დარჩენილ  წლებში.


თქვენი ასპინძის გამგებლად არჩევიდან ერთ წელზე მეტი გავიდა. რამდენად შეძელით ამ ხნის განმავლობაში საარჩევნოდ გაცემული დაპირებების და თქვენი პროგრამის შესრულება?

 


ჩემი საარჩევნო დაპირება რაც იყო, ვთვლი, რომ სანამ ჩემი გამგებლობის პერიოდი დამთავრდება, ძირითადი რაც იყო დაპირება, შესრულდება 98% მაინც. ერთ-ერთი ჩემი დაპირება იყო რძის გადამამუშავებელი საწარმოს შექმნა, რისი დაფუძნებაც ამ ეტაპზე ვერ მოხერხდა გარკვეული მიზეზების გამო და ვეცდები მომავალში შევასრულო.


გაქვთ თუ არა უცხოეთის რომელიმე ქვეყნის ქალაქთან ან რაიონთან რაიმე ფორმის ურთიერთობა დამყარებული იქედან გამომდინარე, რომ მათი გამოცდილება გაიზიაროთ?


ამ ეტაპზე ასეთი ურთიერთობა არ გაგვაჩნია, მაგრამ კარგი იქნებოდა თუ მოვახერხებდით კავშირების დამყარებას, რომ მიგვეღო მეტი გამოცდილება ამა თუ იმ დარგში.


თქვენი გადმოსახედიდან, რამდენად არის ცენტრალური ხელისუფლება რეგიონების განვითარებით დაინტერესებული?


იცით რაშია საქმე? უამრავი პროგრამა ამუშავდა. მაგალითად, ხვნა-თესვის ვაუჩერებზე თუ ვილაპარაკებთ, ამან გამოიწვია ის, რომ 100 -დან დაახლოებით 1000 ჰექტარი მიწის დამუშავებამდე ავედით. ეს რა თქმა უნდა, სოფლის მეურნეობის პროგრამის ამოქმედებამ განაპირობა. გარდა იმისა, რომ ჩვენც ხელს ვუწყობთ და პირობებს ვქმნით, ეს პროცესი მაინც ამ პროგრამის ძალიან დიდი დამსახურებაა. ხელისუფლება ცდილობს რომ ხელი შეუწყოს რეგიონების განვითარებას.  

 


რის გამო გაკრიტიკებენ ხოლმე ოპონენტები და როგორია თქვენი რეაქცია, რამდენადაა სამართლიანი მათი მხრიდან წამოსული კრიტიკა?


ყველასთვის კარგი ნამდვილად ვერ იქნები. სამწუხაროდ, თავიდანვე აღვნიშნე, რომ უამრავი პრობლემა იყო დაგროვებული წლების განმავლობაში, რის გადაწყვეტასაც არ ეყოფა ერთი და ორი წელი. ჩვენ პრიორიტეტად დავისახეთ გარკვეული მიმართულებების მოწესრიგება, მაგრამ რაღაც შეიძლება რჩებოდეს მოუგვარებელი და როდესაც ჩასაფრებულ პოზიციაში ყოფნას ირჩევ, არ არსებობს რაღაც არ დაინახო. ოპონენტები სწორედ ასეთი საკითხები აფიშირებას ეწევიან, ისინი ყოველთვის პოულობენ ისეთ პრობლემებს, რასაც მარტო თვითმმართველობა ვერ მოაგვარებს. ეს ქვეყანაშია მთლიანად ბევრი რამ მოსაწესრიგებელი ზოგადად, და ნელ-ნელა, ნაბიჯ-ნაბიჯ უნდა მოხდეს აღნიშნული საკითხების გადაწყვეტა.


რაგბის რომ დავუბრუნდეთ. თქვენზე ერთგვარი ლეგენდაა შექმნილი. როგორც ცნობილია, რუმინეთთან გადამწყვეტი მატჩის დროს მძიმე ტრამვა მიიღეთ, მიუხედავად ამისა, თამაშს მაინც არ გამოეთიშეთ და გადამწყვეტი ლელოც გაიტანეთ. როგორ გაიხსენებთ ამ თამაშს, როდის ჩატარდა ის, რა ანგარიშით დასრულდა და რამ მოგცათ თქვენ სათამაშო მოედანზე დაბრუნების ძალა?

 


კი, ნამდვილად მძიმე ტრამვა მივიღე მაგ თამაშზე, რომელიც შემდეგში კარიერის ნაადრევად დასრულების მიზეზიც კი აღმოჩნდა. მაგრამ მე მაინც ბედნიერი ვარ და არც ერთი წამით არ ვნანობ იმას, რომ ეგ ნაბიჯი გადავდგი და მოედანზე დავბრუნდი, რადგანაც მაშინ რუმინეთი ჩვენზე გაცილებით ძლიერი ნაკრები იყო. 1999 წლის მსოფლიოზე შანსი რუმინეთმა დაგვაკარგვინა, ზუსტად იმიტომ რომ გამოცდილებით გვჯობდა. და მაგ თამაშზე მოხდა ისე, რომ ჩვენ ძალიან ბევრ რგოლში დავჯაბნეთ ისინი და თამაშს სოლიდურადაც ვიგებდით, მაგრამ მოგეხსენებათ იმდროინდელ ნაკრებში ძალიან ბევრი გამოცდილი მოთამაშე არც გვყავდა, სულ რამდენიმე იყო მაღალი დონის მოთამაშე და მათზე იყო მთელი თამაშის სისტემა აწყობილი. ჩემმა ტრამვამ გამოიწვია ის, რომ თამაშის სადავეები გაგვექცა ხელიდან. ამან ალბათ მორალურ მხარეზეც იმოქმედა. ძნელია როდესაც ვიღაცის იმედი გაქვს და უცბად ხელიდან გეცლება. მე ვიგრძენი ის, რომ იმ თამაშას წავაგებდით. სიმართლე რომ გითხრა, ჩემი მოედანზე დაბრუნებით ბევრი აღარაფერი შემიტანია, იმიტომ რომ ისეთი საშინელი ტკივილი მქონდა, განძრევაც მიჭირდა, მაგრამ ალბათ ახალგაზრდებს ჩემი იქ ყოფნით მეტი მოტივაცია და იმედი ჰქონდათ. საბოლოო ჯამში კი მივაღწიეთ იმას, რომ ის სტერეოტიპი, რასაც ერქვა რუმინეთი, დავარღვიეთ და დღესდღეობით თქვენი თვალით ხედავთ, რომ რუმინეთი ისეთ ძალას აღარ წარმოადგენს. ანგარიში მართლა აღარ მახსოვს (იცინის).

 



საფრანგეთში უმაღლეს საკლუბო დონეზე თამაში დიდი ხანი მოგიწიათ (1996-2004). როგორ გაიხსენებთ ამ წლებს? უპირველესად, მაინტერესებს, როგორ შეეგუეთ ფრანგულ ცხოვრებას? რით ვგავართ ან განვსხვავდებით ქართველები ფრანგებისაგან?


მე საკმაოდ ახალგაზრდა ასაკში მომიწია წასვლა, აქედან გამომდინარე ადაპტაციაც არ გამჭირვებია, ხანდახან ვხუმრობდი კიდეც, რძიანი ყავის დღეში ვარ მეთქი. რა შუაშიაო რძიანი ყავა. და აბა მითხარით-მეთქი, რძიანი ყავა - უფრო რძეა, თუ ყავა-თქო... (იცინის) ხოდა, ნამდვილად არ გამჭირვებია. მსგავსება რა თქმა უნდა არის. ფრანგები ჩვენსავით ადვილად პოულობენ გამოსავალს, მაგრამ კონცენტრაცია უფრო შეუძლიათ და რაღაც გარკვეული მიზნის გარშემო უფრო დიდ ხანს შეუძლიათ ტრიალი. რევოლუციური სულის მქონე ადამიანები არიან. შეიძლება უცბად გააკეთონ მობილიზება და რაღაც სასწაული ჩაიდინონ. მაგალითად, ავიაციაში კონკორდი აქვთ ბოლო-ბოლო გამოგონილი, თვით სამგზავრო თვითმფრინავი, რომელიც ერთ-ერთი ყველაზე სწრაფი იყო, ყველაზე სწრაფი მატარებელიც ფრანგების  შექმნილია. ბოლოს და ბოლოს, ასწლიანი ომი აქვთ ნაწარმოები ინგლისთან, რაც ჩემთვის გასაოცარია. როგორ შეიძლება ასი წელი იომო და მაინც მიაღწიო მიზანს. ბევრ რამეში გვგვანან, მაგრამ ბევრ რამეში შეიძლება მაგალითი ავიღოთ მათგან.


ვინ არიან ლევან ცაბაძის მეგობრები? რა ურთიერთობა გაქვთ ყოფილ თანაგუნდელებთან, როგორც ფრანგებთან, ისე ქართველებთან და დღემდე ვისთან მეგობრობთ?


იცით რა არის? რაგბი მარტო სპორტი არ არის. რაგბი არის ანტიკური ხანის ბრძოლა, ანუ რაგბის წესები იგივეა, რაც ბრძოლის წესები, აქედან გამომდინარე, მე ჩემს თანაგუნდელებს ვერ დავარქმევ მარტო თანაგუნდელებს, ისინი ჩემი თანამებრძოლები არიან და იცით თქვენ, რომ ბრძოლაში მიღებული გამოცდილება და მეგობრობა ცოტა სხვანაირია. აქედან გამომდინარე, მინდა ვთქვა, რომ თითოეულ მათგანთან, ვისთან ერთადაც მითამაშია, საუკეთესო ურთიერთობა მაქვს, ვიღაცასთან უფრო ინტენსიური, ვიღაცასთან უფრო ნაკლები, იქედან გამომდინარე, რომ ყოველდღიურად ვერ ვხვდებით, მაგრამ ამას დიდი მნიშვნელობა არც აქვს. მე 24 საათი მზად ვარ, მათ გვერდით დავუდგე, თითოეულ მათგანს, ქართველი იქნება თუ უცხოელი, ყველანაირ საქმეში, ჭირი იქნება თუ ლხინი.

 


პოლიტიკოსებიდან ვისთან მეგობრობთ? რამდენად სანდო მეგობრებად მიგაჩნიათ პოლიტიკოსები?

 


თუ კაცს მეგობრად თვლი, მე მგონია, რომ ესე იგი სანდოა. სხვა შემთხვევაში მეგობრად არ ჩავთვლი და უბრალოდ კოლეგად მივიჩნევ.


ხომ არ გიფიქრიათ იმაზე, რომ პოლტიკის ნაცვლად რაგბის სფეროში იქნებოდა თქვენი დარჩენა უფრო კარგი? ვგულისხმობ თუნდაც იმას, რომ დღევანდელი გადმოსახედიდან თქვენი საფრანგეთში დარჩენა და იქ სამწვრთნელო კარიერის გაგრძელება ყოფილიყო მაგალითად უფრო გამართლებული ან თუნდაც იგივეს გაკეთება საქართველოში?


რა თქმა უნდა, შეიძლებოდა, იმიტომ რომ ეს ერთ-ერთი ისეთი თემაა, რომ ასე ვთქვათ, შესისხლხორცებული მაქვს და ძალიან კარგად ვიცნობ, მაგრამ მინდა გითხრათ, რომ ჩვენ, მორაგბეებს ეს კარგად გვაქვს გაცნობიერებული, რომ საქმეს ვაკეთებთ ყველა, მაგრამ ხელმძღვანელობს ერთი. აქედან გამომდინარე, როდესაც მე დავბრუნდი საქართველოში, მიმართულება მათ დასახული ჰქონდათ და მიდის და ვითარდება იმ კუთხით რაგბი. თუ საჭირო გახდება, მზად ვარ გვერდით დავუდგე.  ძალიან გამიხარდებოდა, რაგბში რომ ვმოღვაწეობდე, მაგრამ არ მოხდა ასე, ცოტა რთული ასახსნელია.


დღევანდელ ქართულ რაგბს როგორ შეაფასებდით? როგორი თაობა მოდის ამ კუთხით? სადღეისოდ რეგიონებში, მათ შორის ასპინძაში, არის თუ არა იმის პოტენციალი, რომ სპორტის ეს სახეობა განვითარდეს?


რა თქმა უნდა, რაგბი ვითარდება და თან ძალიან სწრაფად და დიდი ნაბიჯებით, უფრო სწორედ, ისე სწრაფად არა, როგორც უნდა ვითარდებოდეს, მაგრამ მაინც წინ მიდის. ასპინძაშიც არის ერთ-ერთი საუკეთესო რაგბის ბაზა. მოგახსენებთ, რომ ასპინძა არ არის მდიდარი რაიონი და აქედან გამომდინარე ჭირს პროფესიონალურ დონეზე ამ საქმის განვითარება, მაგრამ ვითარდება ეს სფერო ახალგაზრდულ დონეზე, ანუ გვაქვს  რაგბის სკოლა, სადაც ბავშვები დადიან და ეუფლებიან რაგბის ხელოვნებას. შემდეგ როდესაც აღწევენ შესაბამის ასაკს, აღმოჩნდებიან ნიჭიერები და ნათლად ჩანს რომ კარგი მომავალი აქვს, ეს ბავშვები განაგრძობენ მოღვაწეობას სხვადასხვა ქართულ კლუბში. მაგალითად, მელიქიძემ, რომელიც არის ასპინძის სკოლის აღზრდილი, რუსთავში განაგრძო კარიერა და დღეს ისიც საფრანგეთში წავიდა სათამაშოდ, ერთ-ერთ წამყვან სარაგბო კლუბთან აქვს ხელშეკრულება დადებული, რაც ჩემთვის არის საამაყო. ასევე ვფიქრობთ, რომ კარგი იქნებოდა, თუ მთელი რეგიონიც მიიღებდა პროფესიულ რაგბში მონაწილეობას.  ამას ერთი მუნიციპალიტეტი ვერ გასწვდება და ვფიქრობთ, რომ სამცხე-ჯავახეთის რეგიონმა, ანუ ექვსივე მუნიციპალიტეტმა რამე საერთო გზა გამოვნახოთ და დავაფინანსოთ ერთი დიდი გუნდი, სადაც ჩვენს სკოლებში გაზრდილი ახალგაზრდები განაგრძობენ მოღვაწეობას და საქართველოს ტიტულის მოსაპოვებლად ბრძოლას.

 



როგორ ფიქრობთ, რა არის თქვენი ცხოვრების მთავარი ლელო?


უი, (იცინის), ძალიან ღრმა და ფართოა ჩემი ცხოვრების  მიზანი. როგორ გითხრათ, მიჭირს ამ კითხვაზე პასუხის გაცემა იმიტომ, რომ ძალიან ბევრ რამეს მოიცავს ეს. არ შემოვიფარგლები ოჯახით მარტო. ოჯახი ძალიან მიყვარს, მაგრამ ჩემი ცხოვრების მთავარი მიზანი არის ჩემი ქვეყანა. თუ ჩემი ქვეყანა იქნება საუკეთესო ქვეყნებს შორის, წელგამართული, ამაყი და რაც მთავარია, ერთიანი, ჩაითვლება რომ მეც, ჩემი ოჯახიც და მეგობრებიც ვიქნებით კარგად.



ნათია მელქაძე

 

 

კომენტარები: 72
#32   Maximilian
      
References:


Neosurf deposit bonus casino comsenz-service.com
7 ნოემბერი 2026 22:35
#31   Duane
      
References:


Neosurf casino bonus australia neosurf casino ios australia
7 ნოემბერი 2026 19:50
#30   Shanna
      
Jeder Anbieter wird sorgfältig geprüft, bevor wir ihn in unsere
Empfehlungsliste aufnehmen. Sie haben in der Regel strickte und EU konforme Datenschutzrichtlinien und alle Daten werden über SSL-Verschlüsselung übermittel.
Trustly Online Casinos haben Lizenzen von seriösen Glücksspielbehörden wie der Malta
Gaming Authority, welche die Legitimität und Einhaltung
gesetzlicher Richtlinien gewährleisten. Trustly Banküberweisung
Casino
Casinos in Österreich bieten eine
vielfältige Auswahl an Live-Casino-Spielen,
darunter Blackjack, Roulette, Baccarat und Poker, die
von professionellen Dealern in Echtzeit geleitet werden. Ein Top-Online-Casino mit Trustly
vergibt natürlich eine Menge Boni für seine neuen und wiederkehrenden Kunden.
7 ნოემბერი 2026 19:40
#29   Eugene
      
References:


Australia real money online pokies best free
credit pokies payid real money
7 ნოემბერი 2026 18:46
#28   Tonja
      
References:


Neosurf no verification casino australia rentry.co
7 ნოემბერი 2026 17:38
#27   Guillermo
      
References:


Spielautomat sofort einzahlen https://pad.nantes.cloud/IO6YjxUpSIuK7d1n-gmH0g
7 ნოემბერი 2026 16:03
#26   Jani
      
References:


Online pokies that accept payid https://pads.dgnum.eu/CzztpBwBRSuZgLg-sQT26Q
7 ნოემბერი 2026 15:16
#25   John
      
References:


Neosurf prepaid voucher casino australia neosurf
casino android australia
7 ნოემბერი 2026 15:06
#24   Paulina
      
Ist die TAN verfallen, muss der Nutzer die ganze Transaktion erneut durchführen. Dies dient der Sicherheit und wird von allen Banken ähnlich gehandhabt.
Meist sind es etwa fünf Minuten, an denen die erhaltene TAN eingegeben werden kann.
Wer die SOFORT Casinos auf Mobilgeräten nutzen möchte, ist
dabei vom Betriebssystem unabhängig. SOFORT Casinos überzeugen zudem mit einer tollen Casinospiele Auswahl, einem lukrativen Einzahlungsbonus sowie einem hervorragendem VIP Programm.
Wer sich für ein Casino mit SOFORT Einzahlung entscheidet, macht das in der
Regel sehr bewusst.

References: community.alplab.ai
7 ნოემბერი 2026 14:47
#23   Tobias
      
References:


Casino mit sofortüberweisung bezahlen online casino
willkommensbonus klarna
7 ნოემბერი 2026 13:39
#22   Bertha
      
References:


Online casino sofort auszahlung online spielothek
sofortüberweisung
7 ნოემბერი 2026 11:59
#21   Leo
      
References:


Trustly Spielautomaten Trustly
Casino GGL Lizenz
7 ნოემბერი 2026 11:39
#20   Antonio
      
References:


Trustly Pay N Play Casinos Trustly Spielothek
7 ნოემბერი 2026 10:33
#19   Lamar
      
Cashback, loyalty rewards, and game-related promotions make it suitable for players who want more than a quick transaction from a Neosurf deposit casino.
Its cashier supports a simple prepaid setup, while
the wider account includes regular cashback and weekly offers.

A Neosurf casino is a secure, easy, and fast option for Australian players looking to deposit funds at online casino sites.
For players who prefer classic casino table games like
blackjack, baccarat, and roulette, Ca$hed Casino might be the best option. This online casino also runs regular promotions and offers new players a generous welcome
bonus to extend gaming sessions. One of the best features of FatFruit Casino is
its fast deposit process with Neosurf, enabling players to fund their casino
accounts and start playing within minutes.

References: https://allunderground.com/activity/topic/20-dollar-neosurf-deposit-casino-austr
alia-guide/
7 ნოემბერი 2026 09:59
#18   Jan
      
References:


Neosurf casino sign up bonus neosurf
$5 deposit casino australia
7 ნოემბერი 2026 09:37
#17   Ann
      
References:


Trustly Zahlung Online Casino Trustly Casinos Top
7 ნოემბერი 2026 09:20
#16   Conrad
      
Hier finden Sie gute und qualitativ hochwertige Casinos, aber auch
viele betrügerische Casinos verwenden diese Lizenzen. Eine der häufigsten Fragen bei Casinos, die keine deutsche
Lizenz haben, ist, ob es illegal ist, auf diesen Seiten zu spielen. Die Kompatibilität ist sehr hoch, sodass fast jeder casino mit trustly einem deutschen Bankkonto den Dienst nutzen kann.
Im Gegensatz zu Kreditkartenzahlungen werden keine Kartendaten eingegeben, was die Sicherheit
erhöht. Zudem ist der Datenschutz von Trustly seit Dezember 2017
vom TÜV Saarland zertifiziert, was die hohen Sicherheitsstandards des Dienstes unterstreicht.
Andere Anbieter nutzen häufig Lizenzen aus Malta oder Curaçao, die ebenfalls reguliert sind.
7 ნოემბერი 2026 04:31
#15   Heather
      
References:


Neosurf pin casino deposit australia https://roadwiki.site/
7 ნოემბერი 2026 01:24
#14   Caridad
      
References:


Vip neosurf casino australia small deposit neosurf casino australia
7 ნოემბერი 2026 01:06
#13   Juan
      
High rollers are usually treated to generous promotions, so it's an advantage you can't deny yourself.
You will enjoy online gambling much more if you can put
more money into the casino of your choice. The online casino holds a
Curaçao gaming license, which helps to ensure player safety and security.
Rocket Casino is a popular site for Australian players, from the overall design to the availability of multiple game variations.
Take advantage of promotions including welcome bonuses, high roller
bonuses, reload bonuses, free spins and tournaments with huge prize pools.


References: ecomine.8u.cz
6 ნოემბერი 2026 13:42
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.

ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.

ყველაზე კითხვადი
ბოლო სიახლეები
ამინდის პროგნოზი
ვალუტის კურსი