მე მომხრე ვარ, რა თქმა უნდა, რომ სამოქალაქო ქორწინება აისახოს კონსტიტუციაში, როგორც ქალისა და მამაკაცის ერთობა, - აღნიშნული განცხადება საქართველოს პრემიერ მინისტრმა, გიორგი კვირიკაშვილმა "იმედის" პირდაპირ ეთერში გააკეთა.
მისი განმარტებით, ეს არ არის ოჯახის დეფინიცია. პრემიერის განცხადებით, ევროპას სჭირდება ის საქართველო, რომელსაც აქვს ძალიან მკაფიოდ ჩამოყალიბებული ტრადიციული ფასეულობები და ღირებულებები.
"ვსაუბრობ, რომ სამოქალაქო ქორწინებაში შესვლა უნდა შეეძლოს ქალს და მამაკაცს. ეს არის ჩვენი აზრი ძალიან მკაფიოდ ჩამოყალიბებული და სხვათა შორის, მე მქონდა კონსულტაციები არაერთ ჩვენ ევროპელ კოლეგებთან, ექსპერტებთან, რომლებიც ადამიანის უფლებების მიმართულებით მუშაობენ და არც ერთი საერთაშორისო კონვენციით, ეს არ არის ადამიანის უფლების დარღვევა. რაშია განსხვავება მაშინ ჩვენს პოზიციასა და ზოგიერთი იმ ჯგუფების პოზიციას შორის, რომლებიც ამ საკითხის ასე ვთაქვათ აქტუალიზაციას ახდენენ. მე ვფიქრობ, დიდი განსხვავება იმაში მდგომარეობს, რომ ჩვენი პოლიტიკური ძალა მხარს უჭერს ანტიდისკრიმინაციულ კანონს და ჩვენ ყველანაირი დისკრიმინაციის წინააღმდეგი ვართ....
არავითარ შემთხვევაში, არც ერთი საერთაშორისო კონვენციით, ამ ტიპის შეზღუდვის დაწესება არ არის დისკრიმინაციული. ამაზე პასუხისმგებელი ვარ, როდსაც ამაზე ვსაუბრობ. ეს იქნება მხოლოდ და მხოლოდ სამოქალაქო კოდექსში არსებული ჩანაწერის გადატანა კონსტიტუციაში. თუ დისკრიმინაციულია, რატომ გვაქვს სამოქალაქო კოდექსში ეს ჩანაწერი მაშინ?", - აღნიშნა კვირიკაშვილმა.
კითხვაზე, მაშინ რატომ არის საჭირო ტავტოლოგია, კვირიკაშვილმა უპასუხა, ”იმიტომ, რომ ძალიან რთული იყოს ამის შეცვლა”.
"ჩვენ ვართ ის პოლიტიკური ძალა, რომელიც ვფიქრობთ, რომ ევროპას სჭირდება ის საქართველო, რომელსაც აქვს ძალიან მკაფიოდ ჩამოყალიბებული ტრადიციული ფასეულობები და ღირებულებები. სწორედ ასეთი საქართველო სჭირდება ევროპას. ასეთი საქართველო არის ღირებული ევროპისთვის....
მე ვფიქრობ, რომ ეს საკითხი არის ხელოვნურად აქტივიზირებული. მე ვფიქრობ, რომ ამ საკითხის ჩვენი მხრიდან მხარდაჭერაც სწორედ იმით იყო განპირობებული, რომ ჩვენ გვეჩვენებინა მათ შორის იმ ამომრჩევლებისთვის, რომლებისთვისაც ძვირფასია როგორც ევროპული და ევროატლანტიკური ინტეგრაცია, ამავე დროს, ძვირფასია ტრადიციული ფასეულობები. რომ გვეჩვენებინა, რომ ევროპა და დასავლეთი არ არის ერთსქესიანთა ქორწინების მხარდაჭერა. სწორედ ამიტომ დავუჭირეთ ჩვენ ძალიან აქტიურად მხარი ამ ინიციატივას....
ჩვენ ვიცავთ უმცირესობების უფლებებს, ანტიდისკიმინაციული კანონმდებლობა სწორედ ამიტომ იქნა მიღებული საქართველოში, რომ ჩვენ ყველა უმცირესობის უფლებას ვიცავთ. ძალიან მნიშვნელოვანი დეტალია ეს რომ ჩვენ ერთსქესიანთა ქორწინების აკრძალვის მხარდაჭერა გვაქვს კომბინაციაში ანტიდისკრიმინაციულ კანონმდებლობასთან",- განაცხადა პრემიერმა.
კითხვაზე, ხედავს თუ არა რისკებს, რომ ეს ყველაფერი გააღვივებს ჰომოფობიურ განწყობებს, პრემიერი პასუხობს, რომ რისკებს ვერ ხედავს.
"ის, რომ ხდება ამ ტიპის ინციდენტები, არავითარ შემთხვევაში არ გულისხმობს, რომ ჩვენ არ უნდა შემოვიღოთ ასეთი ტიპის ჩანაწერი. არანაირი კავშირი ამათ შორის არ არსებობს. ანტიდისკრიმინაციული კანონი არის ერთი მიმართულება და კიდევ ერთხელ ვამბობ, რომ ჩვენ ყველანაირი დისკრიმინაციის წინააღმდეგი ვართ, მაგრამ ეს საკითხი ამასთან კავშირში არ არის", - თქვა მან.
კითხვაზე, ამ ცვლილების შემდეგ, იგრძნობენ თუ არა უმცირესობის წარმომადგენლები საზოგადოების სრულფასოვან წევრებად თავს, პრემიერ მინისტრი პასუხობს:
"რა თქმა უნდა, ისინი იგრძნობენ თავს სრულფასოვან წევრებად, მაგრამ ისინი ვერ შევლენ სამოქალაქო ქორწინებაში. ეს არ არის დისკრიმინაცია".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.