ამერიკის შეერთებული შტატების პრეზიდენტმა, დონალდ ტრამპმა, მის სახელმწიფო მდივანს, რექს ტილერსონს უთხრა, რომ ჩრდილოეთ კორეასთან ბირთვული პროგრამის თაობაზე მოლაპარაკებების წარმართვის მცდელობით იგი თავის დროს ტყუილუბრალოდ კარგავს.
„შემოინახე შენი ენერგია რექს, ჩვენ გავაკეთებთ იმას, რაც უნდა გაკეთდეს!“, დაწერა ტრამპმა „თვითერზე“ მას შემდეგ, რაც გაცხადდა, რომ შეერთებულ შტატებს ფხენიანთან კომუნიკაციის ხაზი გააჩნდა.
რექს ტილერსონმა ამის შესახებ შაბათს გაამჟღავნა და განაცხადა, რომ ჩრდილოეთ კორეას დიალოგის მცირე ინტერესი გააჩნდა.
ფხენიანი და ვაშინგტონი უკვე თვეებია, რაც ერთმანეთის მიმართ სიძულვილის რიტორიკაში არიან ჩართული.
ვითარება ბოლო პერიოდში განსაკუთრებით მას შემდეგ გამწვავდა, რაც 3 სექტემბერს ფხენიანმა წყალბადის ბომბი წარმატებით გამოსცადა.
კვირას ტრამპმა „თვითერზე“ დაწერა: „მე ვუთხარი რექს ტილერსონს, ჩვენს ჩინებულ სახელმწიფო მდივანს, რომ ის, პატარა რაკეტის კაცთან [იგულისხმება კიმ ჩენ ინი] მოლაპარაკებების მცდელობით მის დროს ტყუილად კარგავს“.
ტრამპმა კომენტარი მას შემდეგ გააკეთა, რაც რექს ტილერსონმა გაამჟღავნა, რომ შეერთებული შტატების ოფიციალურ პირებს ფხენიანთან გარკვეული კომუნიკაციის არხები ჰქონდათ ღია, მიუხედავად ორივე ქვეყნის ლიდერებს შორის სიტყვების ომის ესკალაციისა.
შეკითხვაზე, გამოვიდა თუ არა ჩრდილოეთ კორეა მოლაპარაკებების მაგიდასთან, სახელმწიფო მდივანმა განაცხადა: „ჩვენ ვცდილობთ, ასე რომ შევხედოთ“.
მიუხედავად ამის, მოგვიანებით მან აღიარა, რომ მცირე პროგრესია მიღწეული.
ტილერსონმა ამ თემებზე მისი ჩინეთში, ჩრდილოეთ კორეის ყველაზე დიდ სავაჭრო პარტნიორ ქვეყანაში, ვიზიტისას ისაუბრა, სადაც იგი პრეზიდენტ ქსი ძინპინგს და სხვა ოფიციალურ პირებს ხვდება.
რექს ტილერსონის ჩინეთში ვიზიტამდე რამდენიმე დღით ადრე, ოფიციალურმა პეკინმა მის ტერიტორიაზე მოქმედი ნებისმიერი ჩრდილოეთ კორეული კომპანიის დახურვის გადაწყვეტილების შესახებ გამოაცხადა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.