მმართველი გუნდის წევრებმა ათონელის ქუჩაზე ორბელიანის სასახლეზე მიმდინარე სამუშაოები მოინახულეს. მმართველი გუნდის წევრების მოსაზრება, რომ პრეზიდენტი ავლაბრის კი არა, ორბელიანის სასახლეში უნდა იყოს, სალომე ზურაბიშვილის განცხადებას ემთხვევა, თუმცა „ქართული ოცნების“ წევრები ჯერ კიდევ არ აკონკრეტებენ, დაუჭერენ თუ არა მხარს სალომე ზურაბიშვილს. თბილისის მერის, კახა კალაძის განცხადებით, კანდიდატი, რომელსაც „ქართული ოცნება“ დაუჭერს მხარს, არ უნდა წარმოადგენდეს, რომელიმე პარტიის ინტერესებს.
„საკმაოდ არაორდინარული სიტუაციაა შექმნილი. ამერიკის ელჩის გარეშე საქართველო ამდენი ხანი, არც კი მახსოვს, თუ ყოფილა“, აცხადებს ექსპერტი ხათუნა ლაგაზიძე გაზეთ „კვირის პალიტრასთან“ ინტერვიუში და ასკვნის, რომ „ეს ვითარება მაინცდამაინც პოზიტიური დასკვნებისკენ არ გვიბიძგებს“.
სალომე ზურაბიშვილი საპრეზიდენტო კანდიდატად დარეგისტრირების მიზნით, ცენტრალურ საარჩევნო კომისიას განცხადებით დღეს მიმართავს.
„არ ვიცი, ეს თვითლუსტრაცია იყო თუ ხელისუფლებამ მოახდინა მისი ლუსტრაცია, მაგრამ ფაქტი ერთია, სალომე ზურაბიშვილი სრულიად განიარაღებულია როგორც საპრეზიდენტო კანდიდატი. აქედან გამომდინარე, შეუძლებელია „ოცნება“ არ ფიქრობდეს სხვა კანდიდატზე ან საკუთარი წიაღიდან, ან სხვა დამოუკიდებელ კანდიდატზე“, აცხადებს ექსპერტი ხათუნა ლაგაზიძე გაზეთ „კვირის პალიტრასთან“ ინტერვიუში.
საქართველოს მესამე პრეზიდენტი მიხეილ სააკაშვილი სოციალურ ქსელ ფეისბუქში ვიდეომიმართვას ავრცელებს, სადაც 2008 წლის 12 აგვიტოს იხსენებს და ამბობს, რომ საქართველოს ამერიკის შეერთებული შტატებისგან ისეთი ძლიერი მხარდაჭერა, როგორიც 2008 წელს ჰქონდა არასოდეს არ ჰქონია. მესამე პრეზიდენტმა ასევე აღნიშნა, რომ თუ სალომე ზურაბიშვილი გაიმარჯვებს არჩევნებში, ეს იქნება პუტინის გამარჯვება საქართველოში.
საქართველოს პრემიერ მინისტრი მამუკა ბახტაძე ამერიკელ კონგრესმენთა დელეგაციას შეხვდა, რომელსაც წარმომადგენელთა პალატის დაზვერვის მუდმივმოქმედი კომიტეტის თავმჯდომარე დევინ ნუნესი ხელმძღვანელობს.
„ლეიბორისტული პარტიის“ ლიდერმა და პრეზიდენტობის კანდიდატმა შალვა ნათელაშვილმა დიდგორის ბრძოლის დღესთან დაკავშირებით გელათში, დავით აღმაშენებლის საფლავზე გვირგვინი მიიტანა. ნათელაშვილმა განაცხადა, რომ საქართველოს მთლიანობის აღდგენისთვის ჯერ შიდა მტერი უნდა დამარცხდეს.
თეთრიწყაროს მუნიციპალიტეტში დიდგორის ველზე, დღეს დიდგორობის სახალხო დღესასწაული აღინიშნება, რომელსაც საქართველოს პრემიერ მინისტრი მამუკა ბახტაძე, თავდაცვის მინისტრი ლევან იზორია და რეგიონული განვითარების სამსახურის ხელმძღვანელი სოზარ სუბარი ესწრებიან.
პრეზიდენტობის დამოუკიდებელი კანდიდატი სალომე ზურაბიშვილი „შაბათის ქრონიკის“ ეთერში აცხადებს, რომ რუსეთი საუკუნეების მანძილზე ცდილობს საქართველოს დამოუკიდებლობა დააკარგვინოს, მაგრამ 2008 წლის ომის თავიდან აცილება საქართველოს შეეძლო. მისივე თქმით, ბოლოდროინდელი გაუგებრობა იმის შესახებ, რომ თითქოს მან საქართველო დაადანაშაულა ომის დაწყებაში, „აბსურდი და თითიდან გამოწოვილი ამბავია“.
პრეზიდენტობის დამოუკიდებელი კანდიდატი სალომე ზურაბიშვილი „შაბათის ქრონიკის“ ეთერში აცხადებს, რომ გამარჯვების შემთხვევაში ავლაბრის სასახლეში არ შევა, რადგან ეს სასახლე პრემიერ მინისტრს, ან საგარეო საქმეთა მინისტრს უფრო შეეფერება, თავისი ფუნქიციებიდან გამომდინარე. ზურაბიშვილი ასევე ამბობს, რომ პრეზიდენტობის დროს ის თავის სახლში იცხოვრებს და რეზიდენციაში ფეხით ივლის.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.