ა(ა)იპ თბილისის საბავშვო ბაგა-ბაგების მართვის სააგენტოს მონიტორინგის ჯგუფის მიერ განხორციელებული შემოწმების საფუძველზე, ქალაქ თბილისის 144-ე ბაგა-ბაღის დირექტორი ირინა ქირია თანამდებობიდან გაათავისუფლეს, რასაც თანამშრომელთა და მშობელთა ნაწილის პროტესტი მოჰყვა.
მონიტორინგის ჯგუფმა 5.05.2016 წელს განახორციელა ა(ა)იპ თბილისის 144 საბავშვო ბაგა-ბაღის შემოწმება და გამოავლინა შემდეგი დარღვევები: 144-ე ბაგა-ბაღსა და ი/მ „ლუკა ჩოკოშვილ“-ს შორის 2015 წლის 10 აგვისტოს გაფორმდა ხელშეკრულება N01/65 ბაღის რემონტისათვის საჭირო მასალების შესყიდვაზე. ხელშეკრულების საერთო ღირებულება შეადგენს 10 664 ლარს. ამ თანხიდან სარემონტო მასალების საერთო ღირებულებაა 8 794 ლარი, ხოლო 1 870 ლარით შეძენილია სხვადასხვა ინვენტარი. 2015 წლის 12 აგვისტოს კი ი/მ „ლუკა ჩოკოშვილი“-სა და N144 ბაგა- ბაღს შორის გაფორმდა ხელშეკრულება სარემონტო-სამონტაჟო სამუშაოებზე ღირებულებით 6994,95 ლარი. მონიტორინგის ჯგუფს მიაჩნია, რომ ქირიამ თანხები არამიზნობრივად დახარჯა.
144 -ე ბაგა-ბაღის თანამშრომლები აცხადებენ, რომ 9 წლის განმავლობაში ირინა ქირიას არანაირი დარღვევა არ ჰქონია. სკოლამდელი აღზრდის დაწსებულების მიერ ერთ-ერთი თანამშრომლის მიერ guardian.ge-სთვის მიწოდებული ინფორმაციის თანახმად, ეს არის პოლიტიკური დაკვეთა, რადგან თანამდებობიდან გათავისუფლებამდე ბაღის დირექტორს, ირინა ქირიას აიძულებდნენ მისი მოადგილის, მაია მახაჭაშვილის სამსახურიდან გაშვებას იმ მოტივით, რომ ის იყო "ნაციონალური მოძრაობის" აქტივისტი.
ქირიას გათავისუფლებას მშობელთა დიდ ნაწილი აპროტესტებს. მშობლები ბაგა-ბაღების სააგენტოს ირინა ქირიას 144-ე ბაგა-ბაღის დირექტორად დაბრუნების მოთხოვნით მიმართავენ და აღნიშნული მიმართვის წერილისთვის ხელმოწერებს აგროვებენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.