ბიძინა ივანიშვილმა ტელეჟურნალისტებთან გამართულ შეხვედრაზე რეგიონულ ხელისუფლებაში კვალიფიკაციის პრობლემის არსებობაზეც ისაუბრა და თქვა, რომ გამგებლებს კვალიფიციურობა აკლიათ, მართვის გამოცდილება არ აქვთ და არ იციან ეკონომიკა.
”რეგიონულ ხელისუფლებაში კვალიფიკაციის პრობლემა გვაქვს. ბევრი იყო წინააღმდეგი ადგილობრივი თვითმმართველობის რეფორმის, რომელიც კბილებით გავიტანეთ და ბევრს არ უნდოდა. დღესაც ძალიან ბევრი შფოთავს, რომ გამგებელს ვერაფერს მოუხერხებ, არავის არ ესმის, თან ამ დროს არ იცის, ასეთი შემთხვევები ბევრია. ჩემი პოზიცია უნდა აიტანოთ – თუ გინდა რომ ისწავლო, საიდან გინდა მოიყვანო ამდენი გამგებელი და მცოდნე უეცრად? ეს გამოცდილება რეგიონებში არ იყო, მაგრამ თუ გვინდა რომ იყოს მომავალში, ამ უბედურებასაც ვიტანთ დღეს ჩვენ და ასეთ სიტუაციებში ვმართავთ და რეიტინგებში გვაქვს მაქსიმალური შედეგი, მთავრობის ეფექტიანობის თვალსაზრისით, მიუხედავად ამისა. რა თქმა უნდა, ეს სირთულეები არის, ობიექტური სირთულეებია. მე მახსოვს, პრემიერობის დროს რამდენიმე გამგებელთან შეხვედრა მქონია. აი, თუ უფლებას მომცემთ, მე ვეუბნეოდი, კანონით უფლება გაქვთ, ვერ გაუცნობიერებია რომ უფლება აქვს. ამის გაცნობიერების პროცესი მიდის. რა თქმა უნდა ეს ზოგმა ზედმეტად გამოიყენა და უხეშად და ცენტრალური ხელისუფლებიდან არაფრის მოსმენა არ უნდა, იმიტომ რომ არჩეულია და ვერაფერს ხელს ვერ შეახებ და რთული სამართავია. რა თქმა უნდა, აკლიათ კვალიფიციკაცია, შეურაცხყოფად არ მიიღონ, მაგრამ უმრავლესობას მაინც მართვის გამოცდილება არ აქვთ და მით უმეტეს, ეკონომიკა არ იციან კარგად," განაცხადა ბიძინა ივანიშვილმა.
მან ასევე აღნიშნა, რომ მის დროსაც და ახლანდელი ხელისუფლების პირობებშიც საკადრო გადაწყვეტილებების მიღებისას შესაძლოა შეცდომები იყო დაშვებული და "უკეთესნი გარეთ დარჩნენ", მაგრამ, მისი თქმით, ოპტიმალური არჩევანი გაკეთდა.
"ჩვენ გავაკეთეთ ოპტიმალური არჩევანი. რა თქმა უნდა, ძალიან ბევრი ხალხი ობიექტურად განაწყენებულია და ძალიან ბევრი გმობს იმ არჩევანს, რაც გააკეთა ჩემს დროსაც და აკეთებს დღესაც ხელისუფლება, რომ უკეთესნი გარეთ დარჩნენ, შეცდომებიც ალბათ იყო, მაგრამ ოპტიმალური არჩევანი, მე არ ვამბობ საუკეთესო, ოპტიმალური არჩევანი ჩატარდა, ესაა ჩვენი საზოგადოება, ესაა ჩვენი დონე განვითარების, ამას უნდა შეფასება. მარტო მთავრობისგან რომ მოვითხოვოთ და ვურტყათ მთავრობას და ვცემოთ, არაფერი არ გამოვა ამისაგან. დღეს არის მთავრობა ჭეშმარიტად ხალხის სამსახურში მყოფი მთავრობა. ადრე მთავრობა გვყავდა, რომელიც გვიმსახურებდა მთელ საზოგადოებას, და თანაც რანაირად გვიმსახურებდა, რა პირობებში. დღეს გვყავს მთავრობა, ჩემი აზრით ძალიან ცუდ პირობებში ჩაყენებული მთავრობა და მოთმენის დონეზე არიან ძალიან ბევრნი. ამასაც დაბალანსება უნდა, მაგრამ დღეს არის მთავრობა, რომელსაც ხალხი აკონტროლებს და ხალხს უსმენს და ვერავინ ვერ იტყვის რომ კორუფციაა," განაცხადა ბიძინა ივანიშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.