მამაკაცი, რომელიც დონალდ ტრამპის საარჩევნო კამპანიისას დააკავეს, ცდილობდა პოლიციელის იარაღის აღებას იმისათვის, რომ სურდა რესპუბლიკური პარტიის საპრეზიდენტო კანდიდატის მოკვლა. ინფორმაციას ამის შესახებ BBC ავრცელებს.
NBC -ს ცნობით კი, აღნიშნული მკვლელობა ახალგაზრდა მამაკაცს ლას ვეგასში საარჩევნო კამპანიის დროს უნდა მოეხდინა. ნევადას სასამართლო მაიკლ სტივენ სანდფორდს ძალადობის აქტისათვის ასამართლებს.
როგორც NBC იუწყება, სანდფორდმა განაცხადა, რომ იგი ლას ვეგასში კალიფორნიიდან იმისათვის ჩავიდა, რომ ტრამპი მოეკლა და შაბათის საარჩევნო კამპანიამდე ერთი დღით ადრე ლას ვეგასში სროლის სწავლას შეუდგა.
სანდფორდი მოგვიანებით ტრამპის საარჩევნო კამპანიაზე მივიდა, ლას ვეგასის პოლიციის ოფიცერს მიუახლოვდა და უთხრა, რომ მას ტრამპისაგან ავტოგრაფი უნდოდა.
სასამართლოს ანგარიშში ნათქვამია, რომ 19 წლის სანდფორდი მას შემდეგ დააკავეს, რაც მან ოფიცერს ხელი ჩაავლო და იარაღის წართმევა დაუპირა.
როგორც BBC იუწყება დაკავებული მამაკაცი სავარაუდოდ ბრიტანელია. მას დიდ ბრიტანეთში გაცემული მძღოლის მოწმობა აქვს და როგორც მან პოლიციას განუცხადა, წელიწადნახევარია რაც შეერთებულ შტატებში იმყოფება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.