წლის განმავლობაში კრედიტებზე საპროცენტო განაკვეთი გაიზრდება. დაწყებული ინფლაცია კრედიტების გაძვირების წინაპირობაა. ამასთან, ეროვნული ბანკი რეფინანსირების განაკვეთსაც გაზრდის და ამ განაკვეთზე მიბმული სესხები კიდევ უფრო გაძვირდება.

ამის შესახებ გაზეთი „რეზონანსი“ დღევანდელ ნომერში წერს.

საბანკო ექსპერტის ლია ელიავას აზრით, კრედიტები გაძვირდება მხოლოდ იმის გამო, რომ ინფლაციის მაჩვენებელი იზრდება და ეს ბუნებრივია.

„ინფლაციის ზრდა გაგრძელდება. ეროვნულ ბანკს არ გააჩნია იმ რაოდენობის სავალუტო რეზერვი, რომ მან ეს სავალუტო კურსის რეგულირებისთვის დახარჯოს.

ეროვნული ბანკი შეეცდება ხელი შეუწყოს ინფლანციის ზრდას 5%-მდე მაინც, რათა ბიუჯეტს შემოსავლები არ დააკლდეს. ეს კი ავტომატურად საპროცენტო განაკვეთზე აისახება და კრედიტების გაძირების გარდაუვალი პროცესი დაიწყება“ - განაცხადა ელიავამ.

http://www.newspress.ge/presis-mimokhilva/35527-tsels-kreditebze-saprocento-ganakvethis-gadzvireba-gardauvalia.html