იტალიის ცენტრალურ ნაწილში, ოთხშაბათს დილით, ადგილობრივი დროით 03:36 (თბილისის დროით 05:36) ძლიერი, 6.2 მაგნიტუდის სიმძლავრის მიწისძვრა მოხდა. წინასწარი ინფორმაციით, დანგრეულია შენობების ნაწილი.
BBC-ის ცნობით, მიწისძვრის ეპიცენტრი სამხრეთ აღმოსავლეთ ნაწილში მდებარე ქალაქ პერუჯადან 76 კილომეტრში იყო.
გაზეთ La Repubblica-ს ცნობით, რომში შენობების ნაწილი 20 წამის განმავლობაში ირყეოდა.
მსხვერპლის შესახებ ამ დროისთვის ინფორმაცია არ ვრცელდება, თუმცა შეერთებული შტატების გეოლოგიური სამსახურის პროგნოზით, წინა მიწისძვრების მონაცემების გათვალისწინებით, მსხვერპლის რაოდენობა შესაძლოა მნიშვნელოვანი იყოს.
„ნიუიორკ თაიმსის“ ცნობით, მიწისძვრამ ზიანი რამდენიმე ქალაქში გამოიწვია, ამატრისში კი მნიშვნელოვანი ზარალის შესახებ ვრცელდება ინფორმაცია. ქალაქის მერის, სერგიო პიროზის თქმით, „ნახევარი ქალაქი უკვე აღარ არსებობს“. მისი განცხადებით, ქალაქი მოწყვეტილია გარე სამყაროს, რადგან დაზიანებულია გზები და ხიდები. მან სატელევიზიო პირდაპირ ეთერში დახმარების მოწოდება გააკეთა. „ადამიანები ნანგრევებში არიან მოქცეულნი“, აღნიშნა მან და საგანგებო სამსახურებს გზების გაწმენდაში დახმარებისკენ მოუწოდა.
„სახლები უკვე აღარ არსებობს აქ“, თქვა მან და დასძინა, რომ ადამიანები დამარხული არიან ნანგრევებში.
პრემიერ მინისტრის ოფისის განცხადებით, მთავრობა კავშირზეა რეგიონული ხელისუფლების სამოქალაქო დაცვის სააგენტოს ხელმძღვანელობასთან.
თავდაპირველად გავრცელდა ინფორმაცია, რომ ადგილი ჰქონდა 6.4 მაგნიტუდის სიმძლავრის მიწისძვრას. მას რამდენიმე მძლავრი ბიძგიც მოჰყვა.
2009 წელს აქუილას რეგიონში მომხდარ 6.3 მაგნიტუდის სიმძლავრის მიწისძვრას, რომელიც ასევე იგრძნობოდა იტალიის დედაქალაქ რომში, 300 ადამიანი ემსხვერპლა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.