იემენში სამოქალაქო ომის მიმდინარეობისას დაღუპულ ადამიანთა რაოდენობამ 10 ათასს მიაღწია. აღნიშნული განცხადება იემენის საკითხებში გაეროს სპეციალურმა კოორდინატორმა ჯეიმი მაკგოლდრიკმა გააკეთა.
მაკგოლდრიკი აცხადებს, რომ აღნიშნული რიცხვი სამედიცინო დაწესებულებების მიერ მთელი ქვეყნის მასშტაბით წარდგენილ მონაცემებს ეფუძნება.
გაერო-ს სპეციალური კოორდინატორი არ გამორიცხავს, რომ მსხვერპლის ფაქტობრივი რაოდენობა მეტი იყოს, რადგან იემენის ზოგიერთ რაიონში სამედიცინო დაწესებულებები არ არის, შესაბამისად, დაღუპულთა რეგისტრაცია ვერ ხერხდება.
იემენის პრეზიდენ აბდ რაბუჰ მანსურის მომხრეებსა და ამბოხებულ ჰუსიტებს შორის შეიარაღებული დაპირისპირება უკვე წელიწადნახევარია გრძელდება. კოალიცია საუდის არაბეთის მეთაურობით ქვეყანაში ჰუსიტების გავლენის შესამცირებლად და პრეზიდენტის ძალაუფლების აღსადგენად საჰაერო თავდასხმებს პერმანენტულად ახორციელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.