როგორც კი საკუთარ თავში ოდნავ შემეპარება ეჭვი, რომ მე არ შემიძლია, გპირდებით, საკონსტიტუციო სასამართლოს წევრი არ ვიქნები, - აღნიშნული განცხადება თეიმურაზ ტუღუშმა გააკეთა, რომელიც უზენაესი სასამართლოს კვოტით საკონსტიტუციო სასამართლოს მოსამართლის სავარაუდო კანდიდატად სახელდება.
”მე ვთვლი, რომ თუ საკონსტიტუციო სასამართლოში რაიმე საქმის განხილვა შეფერხდა, ამას აუცილებლად ექნება ობიექტური მიზეზი. მე ამაში ღრმად ვარ დარწმუნებული. როგორც კი საკუთარ თავში ოდნავ შემეპარება ეჭვი, რომ მე არ შემიძლია, გპირდებით, საკონსტიტუციო სასამართლოს წევრი არ ვიქნები”, - განაცხადა ტუღუშმა.
ტუღუში ასევე გამოეხმაურა მის მიმართ გაჟღერებულ ბრალდებას, რომ მოსამართლედ დანიშვნის შემდგე, იუტიციის უმაღლესი საბჭოს მდივნის, ლევან მურუსიძის ინტერსებს გაატარებს და აღნიშნა, რომ ეს დაუსაბუთებელი ბრალდებაა.
”შემიძლია დავადასტურო, რომ სასამართლო სისტემაში ძალიან ბევრ ადამიანს ვიცნობ, მათთან პროფესიული საქმიანობაც მაკავშირებს, მაგრამ, სამწუხაროდ, ბატონ ლევან მურუსიძეს საერთოდ არ ვიცნობ. არ ვიცნობ და არც არავის ინტერესების გატარებას არ ვაპირებ, არც ბატონი ლევანის და არც სხვისი. ასეთი დაუსაბუთებელი ბრალდებები ყველას მიმართ შეიძლება გაჟღერდეს, რომ ვიღაც ვიღაცის ინტერსებს გაატარებს”, - განაცხადა ტუღუშმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.