მივესალმებოდი ირაკლი ღარიბაშვილის კანდიდატურას საქართველოს პრეზიდენტის პოსტზე, - აღნიშნული განცხადება ყოფილმა პრემიერ მინისტრმა, ბიძინა ივანიშვილმა ქვემო ქართლში, რეგიონულ მედიასთან შეხვედრისას გააკეთა.
კითხვაზე, როგორი პოზიცია ექნება თუ საქართველოს ყოფილი პრემიერ მინისტრი, ირაკლი ღარიბაშვილი საპრეზიდენტო არჩვენებში მონაწლეობას გადაწყვეტს, ივანიშვილი პასუხობს:
"ირაკლი ღარიბაშვილს შეუძლია საქართველოს პოლიტიკაში მნიშვნელოვანი როლი ითამაშოს უახლოეს მომავალში და უფრო შორსაც. ახალგაზრდა კაცია. მე ვფიქრობ, რომ ძალიან ღირსეულად მოემსახურა თავის ქვეყანას და ღირსეულად წავიდა. გამარჯვებული კაცი წავიდა და არა დამარცხებული.
მე მივესალმებოდი ირაკლი ღარიბაშვილის კანდიდატურას პრეზიდენტის პოსტზე, თუმცა, მანამდე ორი წელია. უნდა დაველოდოთ მოვლენებს. შეიძლება მანამდეც მოისურვოს ირაკლიმ გამოჩენა. მე და ირაკლი ღარიბაშვილი ძალიან ხშირად ვკითხულობთ ერთმანეთს და ძალიან ხშირად ვეხმიანებით. ჩვენს მეუღლეებსაც აქვთ ურთიერთობა ერთმანეთში. ბავშვი მონათლა რამდენიმე დღის წინ, იქაც გვქონდა საუბარი და ა.შ. ჩემი ბერა არის ასევე მისი ერთ-ერთი ბავშვის ნათლია", - აღნიშნა ყოფილმა პრემიერმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.