რუსეთის ოპოზიციის ერთ-ერთი ლიდერი, ყოფილი ვიცე პრმეირ-მინისტრი, ბორის ნემცოვი ცეცხლსასროლი იარაღით მოსკოვში მოკლეს. ინფორმაციას ამის შესახებ BBC ავრცელებს.
აღნიშნულ ინფორმაციას რუსეთის ოფიციოზი ადასტურებს. პოლიციის განცხადებით, ნემცოვს მოსკოვში, კრემლის სიახლოვეს, ერთ-ერთი ხიდის გადაკვეთისას ზურგში ოთხი ტყვია ესროლეს. პოლიციის ცნობითვე, ჯერჯერობით მკვლელის ვინაობა იდენტიფიცრებული არ არის.
რუსეთის ოფიციოზმა განაცხადა, რომ პრეზიდენტმა პუტინმა ნემცოვის მკვლელობა დაგმო. კრემლის წარმომადგენლის, დიმიტრი პესკოვის განცხადებით, რუსეთის პრეზიდენტმა ამ საქმის გამოძიება პირად კონტროლზე აიყვანა. პესკოვის თქმით, აღნიშნული მკვლელობა "შეკვეთილი მკვლელობის ნიშნებს შეიცავს".
ნემცოვს, პარასკევ ღამით, მოსკოვის დროით, დაახლოებით 23 საათსა და 40 წუთზე მაშინ ესროლეს, როდესაც ქალბატონთან ერთად ბოლშოი კამენის ხიდს კვეთდა, განაცხადა რუსეთის შინაგან საქმეთა მინისტრმა.
ამერიკის შეერთებული შტატების პრეზიდენტმა, ბარაქ ობამამ, ბორის ნემცოვის მკვლელობას "მხეცური მკვლელობა" უწოდა და მოუწოდა რუსეთის მთავრობას ჩაატაროს "სწრაფი, მიუკერძოებელი და გამჭვირვალე გამოძიება.
ერთ-ერთ ბოლო ინტერვიუში ნემცოვმა შიში გამოთქვა იმის თაობაზე, რომ მას პუტინი მოკლავდა, რადგანაც იგი უკრაინაში ომს ეწინააღმდეგებოდა.
ნემცოვი, რომელიც 55 წლის იყო, ბორის ელცინის პრეზიდენტობისას, 1990-იან წლებში, რუსეთის ვიცე-პრემიერის პოსტს იკავებდა.
ხალხმა ნემცოვის მკვლელობის ადგილი ყვავილებით შეამკო
ბორის ნემცოვი, მოსკოვში კვირას უკრაინის ომის წინააღმდეგ დაგეგმილ მარშში მონაწილეობისაკენ მოწოდების გაკეთებიდან რამდენიმე საათში მოკლეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.