თვითმკვლელი ტერორისტი სატვირთო ავტომანქანით ავღანეთის ქალაქ მაზარი-შარიფში გერმანიის საკონსულოში შეიჭრა, რის შედეგადაც უზარმაზარი აფეთქება მოხდა.
სულ მცირე ორი ადამიანი დაიღუპა და 80-ზე მეტი დაშავდა. ინფორმაციას BBC ოფიციოზზე დაყრდნობით ავრცელებს.
„როიტერსი“ გარდაცვლილთა რიცხვს არ აკონკრეტებს და წერს, რომ მოკლულია რამდენიმე ადამიანი.
დიპლომატიურ მისიაში აფეთქება ხუთშაბათს, ადგილობრივი დროით დაახლოებით 23:00 საათზე მოხდა.
თალიბანმა განაცხადა, რომ თავდასხმის უკან ის დგას და ეს არის ქუნდუზში მიმდინარე თვის დასაწყისში კოალიციის მიერ განხორციელებული საჰაერო დარტყმებისადმი პასუხი, რომლის დროსაც მშვიდობიანი მოსახლეობა დაიღუპა.
ნატო ჩრდილოეთით მდებარე ქალაქში მომხდარ ინციდენტს იძიებს, რომლის დროსაც ავღანეთის ჯარები თალიბმა მებრძოლებმა ალყაში მოაქციეს და მათ დახმარებისთვის საჰაერო ძალები გამოიძახეს.
ადგილობრივი ოფიციოზის თქმით, ბრძოლების დროს 30 მშვიდობიანი მოქალაქე დაიღუპა, უმეტესი მათგანი საჰაერო დარტყმებისას.
გერმანიის დიპლომატიური მისია ბალხის პროვინციის დედაქალაქ მაზარი-შარიფის ცენტრში, კედლით შემოზღუდული რთულად შესასვლელი შენობაა.
გერმანიას ავღანეთში დაახლოებით 1 000 ჯარისკაცი ჰყავს განლაგებული, მათი უმეტესობა სწორედ ბალხის პროვინციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.