თვითმკვლელმა ტერორისტმა სულ მცირე 27 ადამიანი მოკლა ავღანეთის დედაქალაქ ქაბულში, შიიტურ მეჩეთზე განხორციელებული თავდასხმისას. ინფორმაციას BBC პოლიციაზე დაყრდნობით ავრცელებს.
"როიტერსის" ინფორმაციით, დაღუპულთა რიცხვი 30-ს აღემატება.
ავღანეთის დედაქალაქის დასავლეთით მდებარე ბაქირ ულ ოლუმის მეჩეთში სულ მცირე 35 ადამიანი დაიჭრა.
თავდასხმა იმ დროს მოხდა, როდესაც მლოცველები რელიგიურ ცერემონიაზე შეიკრიბნენ.
ე.წ. ისლამურმა სახელმწიფომ განაცხადა, რომ აფეთქების უკან ის იდგა. ამ თავდასხმამდე, ავღანეთში ბოლო ხანებში, შიიტურ მოსახლეობაზე რამდენიმე სხვა თავდასხმას ჰქონდა ადგილი, რომელზე პასუხისმგებლობაც სუნიტმა მუსლიმმა მებრძოლებმა აიღეს.
ორშაბათს განხორციელებული თავდასხმა შუადღისას მოხდა, როდესაც მეჩეთში წინასწარმეტყველ მუჰამედის შვილიშვილის და შიიტი მოწამის იმამ ჰუსეინის გარდაცვალების დღისადმი მიძღვნილი მსახურება მიმდინარეობდა.
ოფიციოზის ცნობით, თავდამსხმელი ფეხით იყო და თავი ხალხში, შენობის შიგნით აიფეთქა. თვითმხილველის თქმით, მსახურება თითქმის დასრულებული იყო, როდესაც ბომბი ამოქმედდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.