შეერთებული შტატების არჩეულმა პრეზიდენტმა „თვითერზე“ ერთმანეთის მიყოლებით რამდენიმე განცხადება გამოაქვეყნა და გააკრიტიკა ჩინეთი მისი მონეტარული პოლიტიკისა და სამხრეთ ჩინეთის ზღვაზე ოპერაციების გამო.
„გვკითხა ჩინეთმა, იყო თუ არა კარგი მათი ვალუტის გაუფასურების მოხდენა (რამაც ჩვენ კომპანიებს კონკურენციის გაწევა გაუძნელა)“ და „მასიური სამხედრო კომპლექსის აშენება სამხრეთ ჩინეთის შუაგულში?“, - იკითხა მან. „არ ვფიქრობ, რომ ეს ასეა!“
გასულ კვირას ტრამპმა ტაივანის ლიდერთან სატელეფონო საუბრით ჩინეთთან დიპლომატიურ ურთიერთობებში ბზარის გაჩენის საფრთხე შექმნა.
შეერთებულმა შტატებმა მანამდეც გააკრიტიკა ჩინეთი იუანის დევალვაციის გამო, განაცხადა რა, რომ ის უსამართლოდ უწყობს ხელს ჩინელ ექსპორტიორებს.
ვაშინგტონმა ასევე განუცხადა პეკინს, შეაჩეროს პრეტენზიების გამოხატვა სამხრეთ ჩინეთის ზღვის კუნძულების და რიფების გარშემო მიწებზე, რომელზეც პრეტენზიას გამოთქვამს რამდენიმე ქვეყანა და გაგზავნა შეერთებული შტატების სამხედრო გემები მმიდებარე ტერიტორიაზე. ორივე მხარე ბრალს დებდა ერთმანეთს რეგიონის „მილიტარიზებაში“. თუმცა ახლა ახალი უთანხმოების საგანი ტრამპისა და ტაივანის პრეზიდენტის სატელეფონო საუბარი გახდა.
ჩინეთის საგარეო საქმეთა მინისტრმა განაცხადა, რომ ჩინეთმა ოფიციალური საპროტესტო განაცხადი გააკეთა შეერთებულ შტატებთან მიმართებაში, მას შემდეგ რაც ამერიკის არჩეული პრეზიდენტი დონალდ ტრამპი ტაივანის ლიდერს ტელეფონით ესაუბრა.
ჩინეთმა განაცხადა, რომ მან ვაშინგტონს „ფორმალური განცხადება“ გაუგზავნა.
სახელმწიფო სააგენტო „ძინჰუას“ თანახმად, ჩინეთმა დაჟინებით მოუწოდა შეერთებულ შტატებს „ფრთხილად, ჯეროვნად მიუდგეს ტაივანის საკითხს, რათა თავიდან იქნეს აცილებული არასაჭირო მღელვარება ჩინეთ-ამერიკის ურთიერთობებში“.
სატელეფონო საუბრის შესახებ გავრცელებულ ინფორმაციაზე პასუხის გაცემისას ჩინეთის საგარეო საქმეთა მინისტრმა უანგ იიმ კომუნისტური პარტიის მთავარი გამოცემის, „ხალხის ყოველდღიური გაზეთის“ თანახმად, თავდაპირველად განაცხადა, რომ ჩინეთი ეწინააღმდეგება ნებისმიერ ოფიციალურ ურთიერთკავშირს ან სამხედრო კონტაქტს შეერთებულ შტატებსა და ტაივანს შორის.
ჰონკონგის „ფოენიქს TV”-ის თანახმად, ჩინეთის საგარეო საქმეთა მინისტრმა უანგ იიმ განაცხადა, რომ სატელეფონო საუბარი ტრამპსა და ცაის შორის იყო „მხოლოდ მცირე ნაბიჯი ტაივანის მიერ“, რაც მისი რწმენით, არ შეცვლის შეერთებული შტატების პოლიტიკას ჩინეთისადმი.
„ერთი ჩინეთის პოლიტიკა ამერიკა-რუსეთის ურთიერთობების ჯანსაღი განვითარების ქვაკუთხედია და ჩვენ ვიმედოვნებთ, რომ ამ პოლიტიკურ საფუძვლებში არ მოხდება ჩარევა და დაზიანება“, - განაცხადა ჩინეთის საგარეო საქმეთა მინისტრმა.
შეერთებული შტატების არჩეული პრეზიდენტი დონალდ ტრამპი 3 დეკემბერს, 10 წუთის განმავლობაში პირდაპირ ესაუბრა ტაივანის პრეზიდენტს და ამით დაარღვია შეერთებული შტატების პოლიტიკა, რომელიც 1979 წელს ჩამოყალიბდა, როცა მათ შორის, ჯიმი კარტერის პრეზიდენტობისას ოფიციალური ურთიერთობები გაწყდა.
(ტაივანის პრეზიდენტი მის ოფისში ტაიპეიში 3 დეკემბერს, ტრამპთან ტელეფონით საუბრის დროს)
ტრამპის გარდამავალმა გუნდმა განაცხადა, რომ ტრამპმა და ცაი ლინგ-ვენმა სატელეფონო საუბრისას შეერთებულ შტატებსა და ტაივანს შორის „ახლო ეკონომიკური, პოლიტიკური და უსაფრთხოების“ საკითხების შესახებ ისაუბრეს.
როგორც BBC წერს, ამგვარი ნაბიჯი საფრთხეს უქმნის ამერიკა-ჩინეთის ურთიერთობებს და ქმნის მისი დაძაბვის შესაძლებლობას, რადგან ეს უკანასკნელი ტაივანის კუნძულს მის მოწყვეტილ პროვინციად განიხილავს.
ჩინეთის საგარეო საქმეთა მინისტრმა უანგ იიმ, გავრცელებული ინფორმაციით, სატელეფონო ზარი შეაფასა, როგორც „პატარა ნაბიჯი“ ტაივანის მიერ.
ტრამპმა „თვითერზე“ დაწერა, რომ ქალბატონმა ცაიმ მას გამარჯვების მოსალოცად დაურეკა.
მისმა გუნდმა ასევე განაცხადა, რომ შეერთებული შტატების არჩეულმა პრეზიდენტმა ქალბატონ ცაის ტაივანის იანვარში გამართულ საპრეზიდენტო არჩევნებში გამარჯვება მიულოცა.
როგორც BBC წერს, შეერთებული შტატების პრეზიდენტის ან არჩეული პრეზიდენტის მხრიდან ტაივანის ლიდერთან საუბარი ფრიად უჩვეულოა.
მედიასაშუალებებში გასული რეპორტაჟებისა და გამოქვეყნებული წერილების შემდეგ, რომლებიც ხაზს უსვამენ ჩინეთის განაწყენების საფრთხის წარმოშობას, ტრამპმა „თვითერზე“ დაწერა: „რომ არა ინტერესი, თუ როგორ ჰყიდის შეერთებული შტატები ტაივანს მილიარდობით დოლარის სამხედრო აღჭურვილობებს, მე ამ მოსალოც ზარს არ მივიღებდი“.
თეთრმა სახლმა განაცხადა, რომ ტრამპის სატელეფონო საუბარი არ იძლევა შეერთებული შტატების პოლიტიკის შეცვლის სიგნალს.
ტრამპის წარმომადგენელმა თქვა, რომ მან „კარგად იცოდა“ თუ რა იყო შეერთებული შტატების პოლიტიკა ტაივანის მიმართ.
ვაშინგტონმა ტაივანთან ოფიციალური დიპლომატიური ურთიერთობები 1979 წელს გაწყვიტა, გამოხატა რა მისი მხარდაჭერა პეკინის „ერთი ჩინეთის“ კონცეფციისადმი, რომელიც ამტკიცებს, რომ ტაივანი ჩინეთის ნაწილია.
ჩინეთს ტაივანის მიმართულებით დამიზნებული აქვს ასეულობით რაკეტა და ძალის გამოყენებით იმუქრება, თუ ტაივანი დამოუკიდებლობას ეცდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.