სირიაში ე.წ. ისლამურ სახელმწიფოსთან გააფთრებული ბრძოლებისას 14 თურქი ჯარისკაცი დაიღუპა, სხვა 33-მა კი ჭრილობები მიიღო. ინფორმაციას BBC თურქეთის არმიაზე დაყრდნობით ავრცელებს.
ოთხშაბათს შეტაკებებს ადგილი ჰქონდა ქალაქ ალ-ბაბში, რომლის „ისლამური სახელმწიფოს“ ხელიდან გამოგლეჯვაშიც თურქი სამხედროები სირიელ მეამბოხეებს ეხმარებიან.
ეს არის ყველაზე დიდი ერთდღიანი დანაკარგი თურქეთის არმიისთვის მას შემდეგ, რაც სირიაში თურქებმა აგვისტოში სამხედრო ოპერაცია წამოიწყეს.
თურქეთის არმიის განცხადებით, „ისლამურმა სახელმწიფომ“ მრავალჯერადი თვითმკვლელი ბომბები გამოიყენა, ბრძოლებისას კი „ისლამური სახელმწიფოს“ 138 მებრძოლი დაიღუპა. როგორც BBC წერს, თურქული არმიის მიერ მსხვერპლის ამ რაოდენობის შესახებ გავრცელებული ინფორმაციის გადამოწმება დამოუკიდებლად არ გახდა შესაძლებელი.
სტრატეგიული ქალაქი ალ-ბაბი - რომელიც თურქეთის საზღვრიდან დაახლოებით 20 კილომეტრში მდებარეობს - თურქეთის არმიის ოთხთვიანი იერიშის პირობებში იმყოფება, რომლის მიზანია ქალაქიდან „ისლამური სახელმწიფოს“ მებრძოლები და ქურთული ძალები განდევნონ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.