დედოფალი ელისაბედ მეორე ეკლესიაში ქრისტეშობის დღესთან დაკავშირებით გამართულ წირვას არ დასწრებია, რადგან იგი ჯერ კიდევ არ გამოჯანმრთელებულა მძიმე გრიპისაგან.
ბუკინგემის სასახლემ განაცხადა, რომ იგი შინ რჩება, რომ მის გამოჯანმრთელებას შეეწყოს ხელი, მაგრამ დაამატა, რომ მიუხედავად ამისა, იგი მონაწილეობას მიიღებს ოჯახის მიერ ქრისტეშობის დღესთან დაკავშირებით დაგეგმილ ზეიმში.
პრინცი ფილიპი, პრინცი ჩარლზი, პრინცი ჰარი და სხვები დაესწრნენ წირვას დედოფლის ნორფოლკის მამულში, სანდრინგემში მდებარე ეკლესიაში.
ნიკოლას უიტჩელმა, BBC-ის სამეფო კორესპონდენტმა განაცხადა, რომ საეკლესიო წირვაზე დედოფლის არყოფნა პირველი შემთხვევაა „ბევრი წლის განმავლობაში“.
დედოფალმა და პრინცმა ფილიპმა თავიანთი საშობაო არდადეგები ამ კვირას ერთი დღის დაგვიანებით დაიწყეს, და მათი გამგზავრება ნორფოლკში ერთი დღით გადაიდო, რადგან ორივე მათგანს გრიპი შეეყარა.
ისინი ბუკინგემის სასახლიდან ნორფოლკის მამულში ხუთშაბათს ვერტმფრენით გაემგზავრნენ, რადგან ოთხშაბათს მატარებელს ვერ მიუსწრეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.