რუსეთი აცხადებს, რომ 3 000-ზე მეტი ამერიკელი ჯარისკაცის პოლონეთში შეყვანას მისი ეროვნული ინტერესების საფრთხედ აღიქვამს. აღმოსავლეთ ევროპაში ჯარების განლაგება კი პრეზიდენტ ბარაქ ობამას კრემლისადმი საპასუხო ნაბიჯია, რომელიც მიზნად ისახავს დააშოშმინოს ნატოს-ს მოკავშირე ქვეყნების წუხილი უფრო აგრესიული რუსეთის შესახებ.
როგორც BBC წერს, ეს არის შეერთებული შტატების სამხედრო შეიარაღებული ძალების ყველაზე მასშტაბური კონტინგენტის განლაგება ევროპაში ათწლეულების განმავლობაში.
„ნაბიჯი საფრთხეს უქმნის ჩვენ ინტერესებს და ჩვენ უსაფრთხოებას“, - განუცხადა პრეზიდენტ ვლადიმერ პუტინის წარმომადგენელმა, დიმიტრი პესკოვმა ბრიტანულ სამაუწყებლო კორპორაციას და დაამატა:
„ის არის მესამე ქვეყანა, რომელიც ევროპაში, ჩვენ საზღვართან სამხედროების განლაგებას და სამხედრო მშენებლობას ეწევა. ის ევროპული ქვეყანაც კი არაა“.
რუსეთის საგარეო საქმეთა მინისტრის მოადგილემ, ალექსეი მეშკოვმა სამხედროთა განლაგებას „ევროპული უსაფრთხოების მადესტაბილიზირებელი ფაქტორი“ უწოდა.
პოლონეთის თავდაცვის მინისტრის მოადგილემ თომასზ სჟატკოვსკიმ განაცხადა, რომ სამხედროების განლაგება, რუსეთის მიერ მის საზღვართან „ფართომასშტაბიანი წვრთნების“ და მისი „აგრესიული ქმედებების გამო ჩვენ სამეზობლოში - მე ვგულისხმობ უკრაინას და ყირიმის უკანონო ანექსიას“, - საჭიროა.
80-ზე მეტი მთავარი საბრძოლო ტანკი და სატანკო დივიზიის ასეულობით დაჯავშნული სატრანსპორტო საშუალება უკვე გერმანიაშია ჩასული და ახლა იქედან საავტომობილო გზით და რკინიგზის მეშვეობით აღმოსავლეთ ევროპისკენ მიემართება.
შეერთებული შტატების ძალების ნაწილმა გერმანიის საზღვარი ხუთშაბათს უკვე გადაკვეთა და შევიდა პოლონეთის ოლსზინას ტერიტორიაზე.
გეგმის მიხედვით, ძალების როტაცია ყოველ 9 თვეში უნდა მოხდეს. როტაციაში ჩართული იქნებიან ესტონეთი, ლატვია, ლიტვა, რუმინეთი, ბულგარეთი და უნგრეთი.
შეერთებული შტატების სატანკო დივიზია სამხედრო წვრთნებს განახორციელებს ასევე ბალტიის სახელმწიფოებში, რაც პრეზიდენტ ობამას პასუხი იქნება რუსეთის მიერ უკრაინის ინტერვენციაზე და ამავე დროს ეს გარანტიას მისცემს ნატო-ს მოკავშირე ქვეყნებს, - წერს BBC.
რუსეთს თავის ანკლავში (სახელმწიფოს ტერიტორიის ნაწილი, რომელიც მთლიანდ გარშემორტყმულია სხვა სახელმწიფოების ტერიტორიებით) კალინინგრადში, რომელიც პოლონეთსა და ლიტვას შორის, ბალტიის ზღვის გასწვრივ მდებარეობს და რომელიც რუსეთის მნიშვნელოვანი, დიდძალი, მძიმე შეიარაღების სამხედრო საგუშაგოს წარმოადგენს, უკვე არაერთი სამხედრო წვრთნა აქვს ჩატარებული და გასული წლის ოქტომბერში იქ ბირთვული შესაძლებლობების ისკანდერის სარაკეტო დანადგარებიც განათავსა, რაც დასავლეთის სერიოზულ შეშფოთებას იწვევს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.