პოლონეთმა ევროპარლამენტარი, მემარჯვენე-ცენტრისტი იაცეკ სარიუშ-ვოლსკი ევროპული საბჭოს პრეზიდენტობის კანდიდატად დაასახელა მას შემდეგ, რაც ვარშავამ განაცხადა, რომ ყოფილი პრემიერ მინისტრის, დონალდ ტუსკის ხელმეორედ დანიშვნას აღნიშნულ თანამდებობაზე მხარს არ დაუჭერდა.
როგორც „როიტერსი" პოლონურ სახელმწიფო სააგენტო PAP-ზე დაყრდნობით წერს, პოლონეთის საგარეო საქმეთა მინისტრმა, ვიტოლდ ვასჟიკოვსკიმ დაადასტურა, რომ ოფიციალურმა ვარშავამ იაცეკ სარიუშ-ვოლსკის კანდიდატურა დიპლომატიური ნოტის მეშვეობით წარადგინა.
სარიუშ-ვოლსკი ევროპის პარლამენტის პოლონელი წევრია და შაბათამდე იყო პოლონეთის მმართველი პოლიტიკური ძალის „კანონისა და სამართლიანობის" ყველაზე დიდი ოპოზიციური პარტიის, „სამოქალაქო პლატფორმის" (PO) წევრი.
ტუსკს - „სამოქალაქო პლატფორმის" ყოფილ ლიდერს ძალიან ფართო მხარდაჭერა აქვს ევროკავშირის ლიდერებს შორის მეორე ვადით არჩევისას, მიუხედავად იმისა, რომ მას პოლონეთში მტკიცე წინააღმდეგობას უწევენ.
„სამოქალაქო პლატფორმამ" სარიუშ-ვოლსკი, მას შემდეგ, რაც შაბათს მისი კანდიდატურის შესახებ გახდა ცნობილი, თავისი რიგებიდან დაითხოვა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.