საქართველოს მთავარი პროკურორი გიორგი ბადაშვილი განცხადებას ავრცელებს და საზოგადოებას საკუთარ ხედვებსა და გეგმებს აცნობს.
მთავარი პროკურორი საქართველოს პრემიერ-მინისტრს ირაკლი ღარიბაშვილს და იუსტიციის მინისტრს თეა წულუკიანს ნდობისთვის მადლობას უხდის.
"ამავდროულად, სრულად ვაცნობიერებ იმ მაღალ მოთხოვნებს და მოლოდინებს, რაც დღესდღეობით პროკურატურის მიმართ საზოგადოების მხრიდან არსებობს და მზადყოფნას გამოვთქვამ პროკურატურაში არსებული პროფესიონალი კადრების გვერდით დგომით, არსებული მოლოდინი გავამართლო.
საქართველოს პროკურატურამ ბოლო პერიოდში საკმაოდ რთული გზა გაიარა, თუმცა, არსებული რეალობის გათვალისწინებით, კვლავ საკმაოდ რთული გამოწვევების წინაშე დგას. ჩემი, როგორც მთავარი პროკურორის და პროკურატურის თითოეული თანამშრომლის მუშაობა მიმართული იქნება საზოგადოების უსაფრთხოების და სამართლიანობის დაცვისკენ, რა თქმა უნდა, ადამიანის უფლებებისა და თავისუფლებების დაცვის პირობებში. ყურადღება უნდა მიექცეს სისხლის სამართლის საქმეებზე გამოძიების სტანდარტების ამაღლებას და მტკიცებულებების მოპოვების გზების დახვეწას, რაც პროკურატურის წარმოებაში გახმაურებული საქმეების მრავლად არსებობის პირობებში, ობიექტური ჭეშმარიტების დადგენის ერთ-ერთი უმნიშვნელოვანესი წინაპირობა იქნება. ასევე, უნდა ამაღლდეს თითოეული საქმის გამოძიებისას საპროკურორო ზედამხედველობისა და საპროცესო კონტროლის ხარისხი, რაც შემდგომში სასამართლო სტადიაზე მყარ საფუძველს შექმნის პროკურორების მხრიდან სახელმწიფო ბრალდების კვალიფიციურად განსახორციელებლად" - აცხადებს ახალი მთავარი პროკურორი.
გიორგი ბადაშვილი უწყებაში გასატარებელი საკადრო პოლიტიკის შესახებაც საუბრობს და მიიჩნევს, რომ ხსენებული გამოწვევების დაძლევისათვის, აუცილებელი იქნება პროკურატურაში არსებული კადრების კვალიფიკაციის ასამაღლებელი და გადასამზადებელი ღონისძიებების გეგმიურად გატარება. უმნიშვნელოვანესი იქნება ასევე, ახალგაზრდა, პერსპექტიული კადრების მოძიება და გამოცდილი, კვალიფიციური კადრების შენარჩუნება.
"ვფიქრობ, რომ პროკურატურამ ყურადღება უნდა გაამახვილოს საერთაშორისო ურთიერთობების გაღრმავებაზე და სხვა ქვეყნების პროკურატურების გამოცდილების გაზიარებაზე, რაც გაცილებით ეფექტურს გახდის ჩვენს საქმიანობას. ასევე, დანაშაულის წინააღმდეგ ბრძოლის პარალელურად, გასამახვილებელია ყურადღება დანაშაულის პრევენციაზე, რისთვისაც პროკურატურა ვფიქრობ, უფრო აქტიურად უნდა ჩაერთოს საზოგადოებრივ ცხოვრებაში, შეეცადოს განსაკუთრებით მოზარდ თაობაში აამაღლოს მართლწესრიგის შეგრძნება" - აღნიშნავს ბადაშვილი.
მისი თქმით, მთავარი პროკურატურა გააგრძელებს სამართლიანობის დამკვიდრებისთვის ბრძოლას, რაც მთავარი პროკურორის განცხადებით, თავის მხრივ, ადამიანის უფლებათა დაცვის ღონისძიებათა განხორციელებას უზრუნველყოფს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.