საქართველოს განათლებისა და მეცნიერების მინისტრი ალექსანდრე ჯეჯელავა 162-ე საჯარო სკოლაში მიმდინარე პროცესს გამოეხმაურა.
აღნიშნულ სკოლაში დღეს სასწავლო პროცესი ჩაიშალა. სკოლის პედაგოგები პირველ გიმნაზიასთან გაფორმებულ მემორანდუმს აპროტესტებენ და მიაჩნიათ, რომ განათლების სამინისტრო ოპტიმიზაციას და შემცირებებს გეგმავს.
ჯეჯელავა აცხადებს, რომ არც 162-ე და არც სხვა სკოლებში ოპტიმიზაცია არ იგეგმება.
„საუბარია იმაზე, რომ ჩვენ ვაპირებთ, სკოლების თანამშრომლობა იყოს გაცილებით უფრო მჭიდრო. ამ დღეებში კვლევის პრეზენტაცია გვექნება და ნახავთ, რომ თბილისის სკოლებს შორის სასაწავლო შედეგების თვალსაზრისით ძალიან დიდი განსხვავებაა. შესაბამისად, ჩვენ ვფიქრობ, რომ თუ რაიმე მიგნება გვაქვს რომელიმე სკოლაში გვერდით სკოლებს უნდა ჰქონდეთ საშუალება, რომ ამ მიგნებით ისარგებლონ. ასევე უკვე წლებია, კომაროვის სკოლა რეგიონებში ასეთ პარტნიორობას ახორციელებს იგივე შაბათის სკოლის პროექტით და ა.შ. ჩვენ გვგონია, რომ ის პრინციპი და პრაქტიკა, რომ სკოლებმა ერთმანეთთან ითანამშრომლონ, გრძელვადიან პერიოდში მოიტანს ხარისხობრივ გაუმჯობესებას.
რაც შეეხება იმას, რომ ხალხს ეშინია რაღაცის, სამწუხაროდ, წარსულში წინა ხელისუფლების პერიოდში, ძალიან ბევრი რამ ხდებოდა პედაგოგებთან და სკოლების ადმინისტრაციებთან შეუთანხმებლად, ამიტომ ეს შიში ალბათ, იქედან მოდის. ამ შემთხვევაში, მინდა დავარწმუნო ყველა, რომ ყოველგვარი ოპტიმიზაცია და რაიმე ნეგატიური შედეგები გამოვრიცხოთ ამ პროექტის ფარგლებში. სკოლები დარჩებიან დამოუკიდებელი, ვცდილობთ, რომ ჯგუფური პარტნიორობა გავაკეთოთ, რომლითაც ეს სკოლები ერთმანეთს დაეხმარებიან პედაგოგების, სასწავლო პროცესის განვითარებაში, დამატებითი პროდუქტების შემუშავებაში და ა.შ. ასევე არ გამოვრიცხავთ, რომ კერძო და საჯარო სკოლებიც იქნებიან მომავალში ასეთ პარტნიორობაში. ანუ საჯარო სკოლები ერთმანეთთან, კერძო სკოლები ერთმანეთთან და ასევე საჯარო და კერძო სკოლები ერთამენთთან“, განმარტა განათლების მინისტრმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.