რუსეთის ფედერაციის საგარეო საქმეთა სამინისტრომ განაცხადა, რომ მიმდინარე წლის 1-ლი აგვისტოდან რუსეთში ამერიკის შეერთებული შტატების საელჩოს მოსკოვში, დაროჟნოის ქუჩაზე და სერებრიანის ფიჭვნარში ყველა შენობის საწყობების გამოყენების უფლება ჩამოერთმევა. ამის შესახებ რუსული საინფორმაციო სააგენტო „რია ნოვოსტი“ წერს.
BBC-ის ცნობით, მოსკოვი ასევე აშშ-ის რუსეთში მდებარე საელჩოს თანამშრომლების 455-მდე შემცირებას მოითხოვს, რომ ამერიკის საელჩოს თანამშრომლების რაოდენობა იგივე იყოს, რაც არის ვაშინგტონში რუსეთის საელჩოში.
რუსეთმა ეს ნაბიჯი მას შემდეგ გადადგა, რაც შეერთებული შტატების წარმომადგენლობითმა პალატამ სამშაბათს ღამით კენჭი უყარა რუსეთზე, ირანზე და ჩრდილოეთ კორეაზე ახალი სანქციების დაწესებას, მიუხედავად იმისა, რომ პრეზიდენტი ტრამპი ეწინააღმდეგებოდა კანონპროექტს, ხუთშაბათს კი უკვე ანალოგიური გადაწყვეტილება აშშ-ის სენატმაც მიიღო.
სენატში კანონპროექტი ხუთშაბათს აბსოლუტური მხარდაჭერით, 92-2-ის წინააღმდეგ გავიდა და ახლა უკვე იგი პრეზიდენტთან ხელმოსაწერად გადაიგზავნება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.