ვირჯინიის ქალაქ შარლოტსვილში გასული კვირის ძალადობრივი მოვლენების შემდეგ, რამაც ერთი ახალგაზრდა ქალის სიცოცხლე შეიწირა, შეერთებული შტატების პრეზიდენტმა, დონალდ ტრამპმა ამერიკის გასწვრივ კონფედერატების „მშვენიერი“ ძეგლების აღება „დასანანად“ და „სულელურად“ მიიჩნია.

„სევდის მომგვრელია უყურებდე ჩვენი დიდებული ქვეყნის ისტორიის და კულტურის სრულიად განადგურებას ჩვენი ლამაზი ძეგლების და მონუმენტების აღებით“, დაწერა ტრამპმა „ტვიტერზე“ ხუთშაბათ დილით. „შენ ვერ შეცვლი ისტორიას, მაგრამ შეგიძლია რომ ისწავლო მისგან. რობერტ ლი, სტოუნუოლ ჯექსონი - ვინ არის შემდეგი, ვაშინგტონი, ჯეფერსონი? რა სულელურია!“

ტრამპმა განაგრძო: „ასევე მშვენიერება, რომელიც აღებული იქნება ჩვენი ქალაქებიდან და პარკებიდან, დიდად მოგვენატრება და არასდროს იქნება შესაძლებელი მათი შესადარით შეცვლა!“

ტრამპმა მე-19 საუკუნის მე-2 ნახევრის აშშ-ის სამოქალაქო ომის დროს, კონფედერატების გენერალი ლი, რომლის ძეგლის აღების წინააღმდეგაც გამოვიდნენ თეთრკანიანთა უპირატესობის მომხრენი შარლოტსვილის ქუჩებში გასულ კვირას, არაერთხელ მოიხსენია დამფუძნებელ მამებს შორის.