რუსეთის პრეზიდენტმა, ვლადიმერ პუტინმა დააკმაყოფილა დაღესტნის ხელმძღვანელის, რამზან აბდულატიპოვის განცხადება თანამდებობიდან წასვლის შესახებ და ავტონომიური რესპუბლიკის ხელმძღვანელის დროებითი მოვალეობის შემსრულებლად ფრაქცია „ედინაია რასიას“ თავმჯდომარე ვლადიმერ ვასილიევი დანიშნა. ინფორმაციას კრემლის ვებგვერდი ავრცელებს.
პუტინმა ვასილიევთან სამუშაო შეხვედრა გამართა. მან სახელმწიფო სათათბიროს ვიცე-სპიკერს „პოლიტიკურად მძიმეწონოსანი“ უწოდა, რომელიც მისი თქმით, ახლა რესპუბლიკას სჭირდება, იტყობინება „რია ნოვოსტი“.
„ეს ძალიან ლამაზი რესპუბლიკაა და მისი სილამაზე არა მხოლოდ ბუნებაშია, არამედ, პირველ რიგში ადამიანებში, რომლებიც იქ ცხოვრობენ“, აღნიშნა პრეზიდენტმა.
პუტინმა იმედი გამოთქვა, რომ ვასილიევს დაღესტნის ხელმძღვანელის პოსტზე შინაგან საქმეთა სამინისტროსა და სახელმწიფო სათათბიროში მიღებული თავისი საუკეთესო გამოცდილების გამოვლენის საშუალება მიეცემა.
თავის მხრივ, ვასილიევმა დასძინა, რომ გააკეთებს ყველაფერს, რათა პრეზიდენტმა მიღებული გადაწყვეტილება არ ინანოს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.