პეკინში „კომუნისტური პარტიის“ ყრილობა დაიწყო - ქსი ძინპინგმა განაცხადა, რომ „სოციალიზმი ჩინური მახასიათებლებით ამ ახალ ეპოქაში“ ნიშნავს იმას, რომ ჩინეთი „მსოფლიო სახელმწიფო გახდა“
18-10-2017, 12:44

შრიფტის ზომა: [ A+ ] / [ A- ]

 

ჩინეთის უდიდესი ღონისძიება, კომუნისტური პარტიის ყრილობა, პეკინში განსაკუთრებული უსაფრთხოების პირობებში მიმდინარეობს.

 


ჩინეთის პრეზიდენტი ქსი ძინპინგი 2000-ზე მეტ დელეგატს სიტყვით სამ საათზე მეტი ხნის განმავლობაში მიმართავდა.

 


დახურული სამიტი, რომელიც ყოველ ხუთ წელიწადში იმართება, განსაზღვრავს, თუ ვინ მართავს ჩინეთს და ამავე დროს ქვეყნის მიმართულებას მომდევნო 5 წლის განმავლობაში.

 

 

 


როგორც BBC იუწყება, ძინპინგი, რომელიც 2012 წელს გახდა ლიდერი, ძალაუფლების განმტკიცების მიმართულებით დგამს ნაბიჯებს და მოელიან, რომ პარტიის თავმჯდომარის პოსტს შეინარჩუნებს.

 


ყრილობა, რომელიც ასევე მომდევნო 5 წლის საგზაო რუკას, ჩინეთის მთავარ სამოქმედო სტრატეგიას წყვეტს, მომავალ კვირას დასრულდება.

 

 

 


ყრილობის დასრულებიდან მალევე, მოელიან, რომ პარტია ჩინეთის მთავარი გადაწყვეტილებების მიმღები ორგანოს, პოლიტბიუროს ახალი მუდმივი წევრების ვინაობას გახდის საჯაროს.

 


თავის სიტყვაში ქსი ძინპინგმა ჩინეთის ბოლოდროინდელი მიღწევები ჩამოთვალა, განაცხადა რა, რომ „სოციალიზმი ჩინური მახასიათებლებით ამ ახალ ეპოქაში“ ნიშნავს იმას, რომ ჩინეთი „მსოფლიოში დიდი სახელმწიფო გახდა“ და დაამატა, რომ ქვეყანამ არ უნდა მოახდინოს უცხოური პოლიტიკური სისტემების ბრმად გადმოწერა.

 


მან ასევე მოკლედ აღწერა ორსაფეხურიანი გეგმა ჩინეთის „სოციალისტური მოდერნიზაციისა“, რაც 2050 წლისთვის უნდა იყოს მიღწეული; გაფრთხილება გააკეთა სეპარატიზმის წინააღმდეგ - რაც ქსინძიანგში, ტიბეტში და ჰონგ კონგში არსებულ სეპარატისტულ მოძრაობებს ეხება, და გაიმეორა მთავრობის პოზიცია, რომ ტაივანი ჩინეთის ნაწილია;

 

 

(ჩინეთის პრეზიდენტი ქსი ძინპინგი ყრილობას სიტყვით მიმართავს)

 

 


განაცხადა, რომ ჩინეთმა „არ უნდა დაუკეტოს თავისი კარები მსოფლიოს“ და შემდგომი ეკონომიკური რეფორმების განხორციელების, მათ შორის უცხოელი ინვესტორებისთვის ბარიერების შემცირების პირობა დადო, იუწყება BBC.

 

 

 

 

 

ქსი ძინპინგი საკუთარ თავში გაცილებით დარწმუნებული ლიდერია, ვიდრე მისი წინამორბედები იყვნენ. თავის გრძელ და დამაჯერებელ სიტყვაში, მან მისი ლიდერობის პირველი 5 წელი მიმოიხილა და განაცხადა, რომ პარტიამ სასწაულებს მიაღწია და ჩინეთის საერთაშორისო მდგომარეობა გაიზარდა.

 

 

(ჩინეთის ყოფილი პრეზიდენტი ძიანგ ზემინი ყრილობის გახსნას დაესწრო)

 


მაგრამ, როგორც BBC წერს, მის სიტყვაში ყველაზე გასაოცარი, იდეოლოგიური დამაჯერებლობა იყო. ბოლო პერიოდში პარტიული მედია დასავლეთის დემოკრატიების კრიზისსა და ქაოსზე საუბრობდა და ადარებდა მას ჩინეთის სიძლიერეს და ერთიანობას.

 


დღეს კი ქსი ძინპინგმა განაცხადა, რომ იგი არ გადმოწერს საზღვარგარეთის პოლიტიკურ სისტემებს და რომ კომუნისტურმა პარტიამ წინააღმდეგობა უნდა გაუწიოს ყველაფერ იმას, რომელიც ჩინეთის ხელმძღვანელობის და ქვეყნის ძირის გამომთხრელი იქნება.

 


ქსიმ ასევე აღნიშნა მისი კორუფციის წინააღმდეგ მასშტაბური ბრძოლა პარტიის რიგებში, რის შედეგადაც მილიონზე მეტი ოფიციალური პირი დაისაჯა, იუწყებიან BBC-ის კორესპონდენტები პეკინიდან.

  

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

ზიმბაბვეს პრეზიდენტი რობერტ მუგაბე პირველად გამოჩნდა საჯაროდ მას შემდეგ, რაც ოთხშაბათს ძალაუფლება ქვეყნის სამხედროებმა აიღეს ხელში და იგი რამდენიმე დღის განმავლობაში შინაპატიმრობაში იმყოფებოდა.

60-ზე მეტი ცრუ ზარი იქნა მიღებული შეტყობინებით, რომ 50 ასაფეთქებელი მოწყობილობა იყო დამონტაჟებული ვლადიმერ პუტინის კორტეჟის სანკტ-პეტერბურგისკენ მიმავალი მარშრუტის გასწვრივ, განაცხადა რუსეთის პრეზიდენტის პრეს-მდივანმა დიმიტრი პესკოვმა.

ყველაზე კითხვადი
  1. საქართველოს 8000 წლის სოფელში არქეოლოგებმა მსოფლიოში ღვინის წარმოების ყველაზე ძველი ფაქტები აღმოაჩინეს - National Geographic-ი
  2. იაპონიაში მატარებლის დაგეგმილზე რამდენიმე წამით ადრე გამგზავრების გამო კომპანიამ ბოდიში მოიხადა
  3. ძლიერი, 7.3 მაგნიტუდის სიმძლავრის მიწისძვრა მოხდა ერაყ-ირანის საზღვრის სიახლოვეს
  4. გორის პოლიციამ დააკავა მამაკაცი, რომელმაც ყოფილ მეუღლეს არასრულწლოვანი შვილის თანდასწრებით, სიტყვიერი და ფიზიკური შეურაცხყოფა მიაყენა
  5. ვლადიმერ პუტინს კიმ ჩენ ინის წერილი გადასცეს, სადაც ფხენიანი აშშ-ზე ბირთვული თავდასხმის მზადყოფნას გამოხატავდა
  6. „გახარია თუ კარგად გაართმევს თავს შს მინისტრობას, ეს შეიძლება გახდეს მისთვის ტრამპლინი პრემიერ მინისტრობისთვის“ - თორნიკე შარაშენიძე
  7. საბრძოლო წყალქვეშა გემი, რომლის ბორტზე ეკიპაჟის 44 წევრი იმყოფება, არგენტინის სანაპიროებთან გაუჩინარდა
  8. შინაგან საქმეთა ახალმა მინისტრმა ახალი მოადგილეები დანიშნა
  9. საქართველოს საზღვრის სიახლოვეს, აზერბაიჯანის ტერიტორიაზე მიწისძვრა მოხდა
  10. „ეს ბიბლიური წარღვნაა“ – სულ მცირე 14 ადამიანი დაიღუპა საბერძნეთში ძლიერი წვიმებით გამოწვეული წყალდიდობის შედეგად
ბოლო სიახლეები
ამინდის პროგნოზი
ვალუტის კურსი