სამაუწყებლო კომპანია „რუთავი 2“ „ედისონ რისერჩის“ მიერ ჩატარებული ეგზიტპოლის შედეგებს ასაჯაროვებს, რომელიც საღამოს 6 საათამდე არსებულ შედეგებს ასახავს.

აღნიშნული გამოიკთხვის მიხედვით, თბილისის მერობის კანდიდატებს შორის „ქართული ოცნება - დემოკრატიული საქართველოს“ მერობის კანდიდატი კახა კალაძე ლიდერობს. მას 54% აქვს მიღებული.

მეორე ადგილზე „ერთიანი ნაციონალური მოძრაობის“ მერობის კანდიდატი ზაალ უდუმაშვილია - 15%.

მესამე ადგილზე დამოუკიდებელი კანდიდატი ალექსანდრე ელისაშვილი - 14%.

მეოთხე ადგილზე „ევროპული საქართველოს“ მერობის კანდიდატი ელენე ხოშტარია - 7%.

„დემოკრატიული მოძრაობა - თავისუფალი საქართველოს დედაქალაქის მერობის კანდიდატს, კახა კუკავას - 3% აქვს მიღებული,

„პატრიოტთა ალიანსის" მერობის კანდიდატს, ირმა ინაშვილსაც 3%;

„ახალი საქართველოს“ მერობის კანდიდატს, გიორგი ვაშაძეს - 2%,

„ლეიბორისტული პარტიის" კანდიდატს, გიორგი გუგავას - 1%.

თბილისში მეორე ტური არ გაიმართება, თუკი კვლევის ცდომილება 4 პროცენტზე მეტი არ იქნება. 

„ედისონ რისერჩის“ წარმომადგენლის თქმით, მონაცემებში ცდომილება შესაძლოა 3% იყოს.

„ედისონ რისერჩს“ ეგზიტპოლი „რუსთავი 2“-მა დაუკვეთა.