სამხრეთ კორეაში მყოფმა აშშ-ის პრეზიდენტმა იმედი გამოთქვა, რომ ამერიკის სამხედრო ძალების ფხენიანის წინააღმდეგ გამოყენება „ღმერთის წყალობით“ არ დასჭირდება
7-11-2017, 14:52

შრიფტის ზომა: [ A+ ] / [ A- ]

 

ამერიკის შეერთებული შტატების პრეზიდენტმა, დონალდ ტრამპმა დაჟინებით მოუწოდა ჩრდილოეთ კორეას „მიუჯდეს მოლაპარაკების მაგიდას“ იმის განსახილველად, რომ უარი თქვას მის ბირთვულ პროგრამაზე.

 


როგორც BBC წერს, წინანდელი ცეცხლოვანი რიტორიკისაგან განსხვავებით, ტრამპმა თქვა, რომ მას „ღმერთის იმედი აქვს“, რომ არ დასჭირდება შეერთებული შტატების სამხედრო ძალების ფხენიანის წინააღმდეგ გამოყენება.

 


ტრამპმა განცხადებები სეულში, მის კოლეგასთან, მუნ ძე ინთან გამართულ ერთობლივ პრესკონფერენციაზე გააკეთა.

 


მანამდე კი აშშ-ის პრეზიდენტი ჩრდილოეთ კორეას „ცეცხლითა და მახვილით“ ემუქრებოდა.

 


პრესკონფერენციაზე ტრამპმა და მუნმა კიდევე რთხელ გაიმეორეს ჩრდილოეთ კორეის მიმართ თავიანთი მოწოდება ბირთვულ განიარაღებასთან დაკავშირებით. ტრამპმა განაცხადა, რომ „გონივრული იქნება ჩრდილოეთ კორეისთვის, მიუჯდეს მოლაპარაკებების მაგიდას“ და „გააკეთოს მართებული რამ, არა მხოლოდ ჩრდილოეთ კორეისთვის, არამედ მთელი მსოფლიოსა და კაცობრიობისთვის“.

 


მიუხედავად იმისა, რომ შეერთებულ შტატებს მნიშვნელოვანი სამხედრო ძალა ჰყავს რეგიონში განლაგებული, მან თქვა, რომ „ღმერთის წყალობით“ არ დასჭირდება მისი ჩრდილოეთ კორეის წინააღმდეგ გამოყენება.

 


ტრამპმა და მუნმა ასევე მოუწოდეს ჩინეთს და რუსეთს ზეწოლა განახორციელონ ფხენიანზე.

 


ამერიკის პრეზიდენტმა ასევე განაცხადა, რომ სამხრეთ კორეა „მილიარდობით დოლარის“ სამხედრო აღჭურვილობის შეკვეთას მიიღებს შეერთებული შტატებისაგან , რაც მისი თქმით. მათ სავაჭრო დეფიციტს შეამცირებს.

 


ჯერჯერობით უცნობია, დაიდო თუ არა უკვე აღნიშნული შეთანხმება, მაგრამ მუნმა განაცხადა, რომ ისინი შეთანხმდნენ „დაიწყონ კონსულტაციები და შესყიდვები“, რაც გააძლიერებს სამხრეთ კორეის თავდაცვისუნარიანობას.

 

 

სამხრეთ კორეაში ჩასვლამდე ტრამპმა მუნი შეაქო და ასევე აღნიშნა, რომ იაპონიის მიერ „მასობრივი შეიარაღების“ შესყიდვა ხდება.

 

 

ტოკიოში ორშაბათს გამართულ პრესკონფერენციაზე კი ტრამპმა განაცხადა, რომ იაპონიას შეუძლია „ყოველგვარი გაფრთხილების გარეშე“ ჩამოაგდოს ჩრდილო კორეული რაკეტები იმ სამხედრო მოწყობილობებით, რასაც ის აშშ-ისაგან ყიდულობს.

 


ამასობაში იაპონიის პრემიერ მინისტრმა, შინძო აბემ თქვა, რომ მისმა ქვეყანამ შესაძლოა გზა გადაუჭრას რაკეტებს „თუ საჭიროება“ იქნება.

 


BBC-ის ცნობით, აღნიშნული განცხადებები ლიდერებმა იაპონიაში ტრამპის პირველი სახელმწიფო ვიზიტისას, რეპორტიორებთან გააკეთეს.

 

 

ორშაბათს, პრესკონფერენციაზე ჟურნალისტებისთვის პასუხების გაცემისას, ტრამპმა თქვა, რომ აბე შეერთებული შტატებისაგან „დიდი ოდენობით სამხედრო მოწყობილობებს“ შეისყიდის და როდესაც ეს შესყიდვა დასრულდება, იაპონიის პრემიერ მინისტრს შეეძლება ჩრდილოეთ კორეის რაკეტები „ყოველგვარი გაფრთხილების გარეშე“ ჩამოაგდოს.

 


შინძო აბემ განაცხადა, რომ იაპონიამ „ხარისხობრივად და რაოდენობრივად“ უნდა გააძლიეროს მისი თავდაცვის შესაძლებლობები იმ პირობებში, როცა ჩრდილო კორეასთან „ძალიან დაძაბული“ მდგომარეობაა.

 

 

მან ხაზი გაუსვა, რომ სარაკეტო თავდაცვა იაპონიასა და შეერთებულ შტატებს შორის „კანონიერ თანამშრომლობაზეა“ დაფუძნებული და თუკი რაკეტების ჩამოგდების „საჭიროება იქნება, რა თქმა უნდა ჩვენ ამას გავაკეთებთ“.

 

 

როგორც BBC იუწყება, ნათელი არაა, მოეწერა თუ არა სამხედრო შეთანხმებას ხელი ტრამპის ტოკიოში ვიზიტისას, მაგრამ ორი ქვეყანა ერთმანეთის ახლო სამხედრო მოკავშირეა და შეერთებული შტატები იაპონიაში რამდენიმე სამხედრო ბაზას ინარჩუნებს.  

 

 

ორმა ლიდერმა კიდევ ერთხელ დაადასტურა, რომ მათ შორის მჭიდრო კავშირები არსებობს  და პირობა დადო, რომ - ტრამპის სიტყვებით, „ჩრდილოეთ კორეის მუქარის წინააღმდეგ ერთად იდგებიან“. 

 

 

შეერთებული შტატების პრეზიდენტმა, დონალდ ტრამპმა ჩრდილოეთ კორეის მიმართ კიდევ ერთხელ მკაცრი რიტორიკა გამოიჩინა მას შემდეგ რაც იგი იაპონიაში ჩავიდა - განაცხადა, რომ აშშ და მისი მოკავშირეები მზად არიან დაიცვან თავისუფლება. მან თქვა, რომ არც ერთმა „დიქტატორმა“ არასათანადოდ არ უნდა შეაფასოს ამერიკის გადაწყვეტილება.

 


როგორც BBC იტყობინება, ტოკიოს მახლობლად, კვირას, იოკოტას საჰაერო ბაზაზე შეერთებული შტატების ჯარებისადმი მიმართვისას მან საზეიმოდ დადო პირობა, რომ სამხედროებს აქვთ რესურსები, რომელიც მშვიდობისა და თავისუფლების დასაცავადაა საჭირო.

 


„არავინ, არც ერთმა დიქტატორმა, არც ერთმა რეჟიმმა... არ უნდა შეაფასოს არასანათოდ ამერიკული გადაწყვეტილება“, უთხრა პრეზიდენტმა ტრამპმა იაპონიაში ჩასვლიდან მალევე შეერთებული შტატების და იაპონიის ჯარებს.

 


იაპონიაში დაშვებამდე, მან ბორტ ნომერ პირველზე რეპორტიორებს უთხრა, რომ მისი ვიზიტისას მოელის, რომ რუსეთის პრეზიდენტს, ვლადიმერ პუტინს შეხვდება.

 


„მე ვფიქრობ, რომ ჩვენ გვექნება პუტინთან შეხვედრა. ჩვენ გვსურს პუტინის დახმარება ჩრდილოეთ კორეაზე“, განაცხადა ტრამპმა, რომელიც უკვე შეხვდა იაპონიის პრემიერ მინისტრ შინძო აბეს.

 


ტრამპი 12-დღიანი მოგზაურობისას ჩინეთს, ვიეტნამს და ფილიპინებსაც ეწვევა.

 


ვიეტნამის სანაპირო ქალაქ და ნანგში ტრამპი აზია-წყნარი ოკეანის ეკონომიკური თანამშრომლობის სამიტს დაესწრება და სახელმწიფო ვიზიტად ჩავა ჰანოიში.

 


ტრამპი მისი ვიზიტის ბლოს, 13 ნოემბერს ფილიპინების დედაქალაქ მანილაში სამხრეთ-აზიური სახელმწიფოების სამიტს დაესწრება, მაგრამ მისი მოგზაურობა კიდევ რამდენიმე დღით იქნება გახანგრძლივებული, ასე რომ მას შეეძლება დაესწროს აღმოსავლეთ აზიის სამიტს.

 

 

ბოლო დროს, როცა შეერთებული შტატების პრეზიდენტმა აზიაში ასეთი ხანგრძლივი ტურნე მოაწყო, 1991 წლის ბოლოს და 1992 წლის დასაწყისში იყო, როცა ჯორჯ ეიჩ დაბლიუ ბუში რეგიონს სტუმრობდა, წერს BBC.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

ზიმბაბვეს პრეზიდენტი რობერტ მუგაბე პირველად გამოჩნდა საჯაროდ მას შემდეგ, რაც ოთხშაბათს ძალაუფლება ქვეყნის სამხედროებმა აიღეს ხელში და იგი რამდენიმე დღის განმავლობაში შინაპატიმრობაში იმყოფებოდა.

60-ზე მეტი ცრუ ზარი იქნა მიღებული შეტყობინებით, რომ 50 ასაფეთქებელი მოწყობილობა იყო დამონტაჟებული ვლადიმერ პუტინის კორტეჟის სანკტ-პეტერბურგისკენ მიმავალი მარშრუტის გასწვრივ, განაცხადა რუსეთის პრეზიდენტის პრეს-მდივანმა დიმიტრი პესკოვმა.

ყველაზე კითხვადი
  1. საქართველოს 8000 წლის სოფელში არქეოლოგებმა მსოფლიოში ღვინის წარმოების ყველაზე ძველი ფაქტები აღმოაჩინეს - National Geographic-ი
  2. იაპონიაში მატარებლის დაგეგმილზე რამდენიმე წამით ადრე გამგზავრების გამო კომპანიამ ბოდიში მოიხადა
  3. ძლიერი, 7.3 მაგნიტუდის სიმძლავრის მიწისძვრა მოხდა ერაყ-ირანის საზღვრის სიახლოვეს
  4. გორის პოლიციამ დააკავა მამაკაცი, რომელმაც ყოფილ მეუღლეს არასრულწლოვანი შვილის თანდასწრებით, სიტყვიერი და ფიზიკური შეურაცხყოფა მიაყენა
  5. ვლადიმერ პუტინს კიმ ჩენ ინის წერილი გადასცეს, სადაც ფხენიანი აშშ-ზე ბირთვული თავდასხმის მზადყოფნას გამოხატავდა
  6. „გახარია თუ კარგად გაართმევს თავს შს მინისტრობას, ეს შეიძლება გახდეს მისთვის ტრამპლინი პრემიერ მინისტრობისთვის“ - თორნიკე შარაშენიძე
  7. საბრძოლო წყალქვეშა გემი, რომლის ბორტზე ეკიპაჟის 44 წევრი იმყოფება, არგენტინის სანაპიროებთან გაუჩინარდა
  8. შინაგან საქმეთა ახალმა მინისტრმა ახალი მოადგილეები დანიშნა
  9. საქართველოს საზღვრის სიახლოვეს, აზერბაიჯანის ტერიტორიაზე მიწისძვრა მოხდა
  10. „ეს ბიბლიური წარღვნაა“ – სულ მცირე 14 ადამიანი დაიღუპა საბერძნეთში ძლიერი წვიმებით გამოწვეული წყალდიდობის შედეგად
ბოლო სიახლეები
ამინდის პროგნოზი
ვალუტის კურსი