ინდოეთის დედაქალაქი პანიკამ მას შემდეგ მოიცვა, რაც დელის მოსახლეობას ქუჩებში სმოგის სქელი და ნაცრისფერი ფენა დახვდა.
როგორც BBC იუწყება, სმოგის გამო ქალაქში ხილვადობა გაუარესდა და დაბინძურების მაჩვენებელმა იმაზე სამჯერ მეტს მიაღწია, რაც ჯანდაცვის საერთაშორისო ორგანიზაციამ ზოგიერთ ტერიტორიაზე დასაშვებ შეზღუდვად გამოაცხადა.
ინდოეთის სამედიცინო ასოციაციამ (IMA) „საგანგებო სამედიცინო მდგომარეობა“ გამოაცხადა და დაჟინებით მოსთხოვა მთავრობას, „გააკეთოს ყველაფერი ამ საფრთხის თავიდან ასაცილებლად“.
მოსახლეობა სოციალურ ქსელში ავრცელებს ფოტომასალას, სადაც ნათლად ჩანს დელის მდგომარეობა.
ჰაერის ხარისხის და ამინდის პროგნოზის და კვლევის ვებგვერდის მონაცემების მიხედვით, სამშაბათს დელის მოსახლეობა იძულებული იყო შეესუნთქა სმოგის უკიდურესად საზიანო რაოდენობა. მცირე მყარი ნაწილაკებისაგან შემდგარი ნივთიერების (რომელიც ცნობილია, როგორც PM 2.5) დონეებმა, რომელიც ფილტვებში ღრმად შედის, სამშაბათს, დელის ზოგიერთ ადგილებში 1 კუბური მეტრის მოცულობაში 700 მიკროგრამამდე მიაღწია.
IMA-მ ასევე განაცხადა, რომ ქალაქის მარათონი უნდა გაუქმდეს, რომელიც 19 ნოემბერს იგეგმებოდა.
დელის მთავარმა მინისტრმა, არვინდ კეჯრივალმა განათლების მინისტრს სკოლების რამდენიმე დღით დახურვა სთხოვა.
აქტივისტების განცხადებით, დელიში ეს პრობლემა წლების მანძილზე არსებობდა და ამ პრობლემის გადასაჭრელად ცოტა რამ გაკეთდა.
ქარის დაბალი სიჩქარე, მშენებლობებიდან წამოსული მტვერი და ფესტივალებზე აფეთქებული ფოიერვერკები უფრო ამძიმებს დაბინძურების დონეს და სიტუაციას.
მთავრობამ ოქტომბერში შეიმუშავა გეგმა, რომლის დახმარებითაც შეეცდებიან გადაჭრან არსებული პრობლემები.
გეგმა მოიცავს სატრანსპორტო აკრძალვებს და მთავარი ელექტროსადგურის დროებით გათიშვას. მიუხედავად ამისა, ამ ქმედებებს აქამდე შედეგები არ მოუტანია.
მოსახლეობის ნაწილი ფიქრობს, რომ ამ პრობლემის გადაწყვეტას საკმაო დრო დასჭირდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.