ზიმბამბვეს არმიის მეთაური პრეზიდენტ მუგაბეს სამხედრო ინტერვენციით დაემუქრა, თუკი მმართველ პარტიაში „წმენდას“ დაუყოვნებლივ არ შეწყვეტს
13-11-2017, 22:39

შრიფტის ზომა: [ A+ ] / [ A- ]

 

ზიმბამბვეს არმიის მეთაურმა გააფრთხილა ისინი, ვინც ქვეყნის მმართველ „ზანუ-PF“-ის პარტიაში „წმენდაზე“ არიან პასუხისმგებელნი, რომ შეჩერდნენ, თორემ რთული მდგომარეობის განსამუხტად პროცესებში სამხედროები ჩაერევიან, იუწყება BBC.

 


სამხედრო ძალების მეთაურის მხრიდან იშვიათი განცხადება ინტერვენციის თაობაზე პრეზიდენტ რობერტ მუგაბეს მიერ ერთი კვირის წინ მისი მოადგილის, ვიცე-პრეზიდენტ ემერსონ მნანგაგვას დათხოვნას მოჰყვა.

 


BBC-ის ცნობით, გენერალ კონსტანტინო ჩივენგას, რომელიც პრესკონფერენციაზე არმიის 90 წამყვან ოფიცერთან ერთად გამოჩნდა, არავის სახელი და გვარი არ უხსენებია.

 


მნანგაგვა, რომელიც ერთ დროს მუგაბეს შემცვლელად მოიაზრებოდა, დევნილობაში იმყოფება.

 


მუგაბეს ცოლმა, გრეისმა, რომელიც ახლა პრეზიდენტის პოსტზე ფავორიტ კანდიდატად არის მიჩნეული, მნანგაგვა გველს შეადარა, რომელსაც „თავი უნდა გაეჭეჭყოს“.

 


არმიის მთავარ შტაბ-ბინაში საუბრისას, გენერალმა ჩივენგამ განაცხადა, რომ იმ ადამიანების მოცილება, რომლებიც დამოუკიდებლობისათვის ბრძოლაში იყვნენ ჩართული, როგორც ეს მაგალითად მნანგაგვა, არ იქნება შეწყნარებული.

 

 

„ახლანდელი წმენდა, რომლის მკაფიო სამიზნე პარტიის ის წევრები არიან, რომელთაც თავისუფლებისთვის ბრძოლაში აქვთ წვლილი შეტანილი, დაუყოვნებლივ უნდა შეჩერდეს“, უთხრა მან პრესკონფერენციაზე შეკრებილებს.

 


„ჩვენ უნდა შევახსენოთ მათ, ვინც ამჟამინდელი მოღალატური აბდაუბდის უკან დგანან, რომ როდესაც საქმე ეხება ჩვენი რევოლუციის დაცვას, სამხედროები არ იყოყმანებენ ინტერვენციას“.

 


75 წლის მნანგაგვა ვიცე-პრეზიდენტობამდე თავდაცვის და სახელმწიფო უსაფრთხოების მინისტრად მსახურობდა.

 

 

გრეის მუგაბე, „ზანუ PF-ის“ ქალთა ლიგის ხელმძღვანელი და ვიცე-პრეზიდენტი მნანგაგვა, პრეზიდენტობის მთავარ კანდიდატებად მოიაზრებოდნენ იმ დროისთვის, როცა რობერტ მუგაბე თანამდებობას დატოვებდა ან გარდაიცვლებოდა.

 


93 წლის რობერტ მუგაბე ზიმბაბვეს ხელისუფლებაში 1980 წლის შემდეგ იმყოფება. იგი პრეზიდენტად 1987 წელს აირჩიეს, მანამდე კი, 7 წლის განმავლობაში ქვეყნის პრემიერ მინისტრის პოსტი ეკავა. იგი მომავალი წლის საპრეზიდენტო არჩევნებში მონაწილეობას აპირებს.

 


სადღეისოდ კი, რობერტ მუგაბე მსოფლიოში ყველაზე ასაკოვანი მმართველია. 

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

ზიმბაბვეს მმართველმა, „ზანუ-PF“-ის პარტიამ რობერტ მუგაბე ლიდერობიდან გადააყენა და მის ნაცვლად ვიცე-პრეზიდენტობიდან დათხოვნილი ემერსონ მნანგაგვა დანიშნა. პარტიიდან იქნა გაძევებული ასევე პრეზიდენტის ცოლი, გრეის მუგაბე.

შეერთებული შტატების ბირთვული საკითხების მთავარმა ფიგურამ განაცხადა, რომ იგი ნებისმიერ „არაკანონიერ“ საპრეზიდენტო ბრძანებას, წამოწყებულ იქნეს ბირთვული თავდასხმა, წინააღმდეგობას გაუწევს.

ყველაზე კითხვადი
  1. საქართველოს 8000 წლის სოფელში არქეოლოგებმა მსოფლიოში ღვინის წარმოების ყველაზე ძველი ფაქტები აღმოაჩინეს - National Geographic-ი
  2. იაპონიაში მატარებლის დაგეგმილზე რამდენიმე წამით ადრე გამგზავრების გამო კომპანიამ ბოდიში მოიხადა
  3. გორის პოლიციამ დააკავა მამაკაცი, რომელმაც ყოფილ მეუღლეს არასრულწლოვანი შვილის თანდასწრებით, სიტყვიერი და ფიზიკური შეურაცხყოფა მიაყენა
  4. საბრძოლო წყალქვეშა გემი, რომლის ბორტზე ეკიპაჟის 44 წევრი იმყოფება, არგენტინის სანაპიროებთან გაუჩინარდა
  5. „გახარია თუ კარგად გაართმევს თავს შს მინისტრობას, ეს შეიძლება გახდეს მისთვის ტრამპლინი პრემიერ მინისტრობისთვის“ - თორნიკე შარაშენიძე
  6. შინაგან საქმეთა ახალმა მინისტრმა ახალი მოადგილეები დანიშნა
  7. კახა კალაძე: მოვითხოვ თითოეული სამსახურის მუშაობის გამჭვირვალობას და მაქსიმალურ კომუნიკაციას საზოგადოებასთან
  8. საქართველოს საზღვრის სიახლოვეს, აზერბაიჯანის ტერიტორიაზე მიწისძვრა მოხდა
  9. „ეს ბიბლიური წარღვნაა“ – სულ მცირე 14 ადამიანი დაიღუპა საბერძნეთში ძლიერი წვიმებით გამოწვეული წყალდიდობის შედეგად
  10. თბილისის მერის ინიციატივით, გმირთა მოედანზე არსებული მიწისქვეშა გადასასვლელის მოხატვა დაიწყო
ბოლო სიახლეები
ამინდის პროგნოზი
ვალუტის კურსი