არგენტინული საბრძოლო წყალქვეშა გემი „სან-ხუანი“ გაუჩინარდა სამხრეთ ამერიკული ქვეყნის სანაპიროებთან და უკვე 48 საათია, რაც კონტაქტზე არ გამოსულა. ბორტზე ეკიპაჟის 44 წევრი იმყოფება. ამის შესახებ ინფორმაციას სამხედრო-საზღვაო ძალები „თვითერზე“ ავრცელებს.
წყალქვეშა გემმა კავშირზე გასვლა მაშინ შეწყვიტა, როცა უშუაის პორტიდან ქალაქ მარ-დელ-პლატში მიემგზავრებოდა.
„რია ნოვოსტის“ ცნობით, სამძებრო სამუშაოებში ვერტმფრენები და გემები ჩაერთვნენ. ისინი იმ რაიონში იმყოფებიან, სადაც წყალქვეშა გემი ბოლოს შენიშნეს.
გაუჩინარებული წყალქვეშა გემი გერმანიაშია აშენებული და ის არგენტინის საზღვაო ძალებს 1985 წელს შეუერთდა. მისი სიგრძე 66 მეტრია, სიჩქარე კი 25 კვანძი (1 კვანძი უდრის 1,852კმ/სთ.-ს).
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.