ანგელა მერკელის 12-წლიანი მმართველობის ყველაზე საშინელი კრიზისი - გერმანიაში კოალიციური მთავრობის ფორმირებაზე მოლაპარაკებებმა კრახი განიცადა
20-11-2017, 11:03

შრიფტის ზომა: [ A+ ] / [ A- ]

 

გერმანიაში კოალიციური მთავრობის ფორმირებაზე მოლაპარაკებებმა კრახი განიცადა მას შემდეგ, რაც თავისუფალი ბაზრის მომხრე ლიბერალური „თავისუფალი დემოკრატების პარტია“ პროცესს გამოეთიშა.

 


როგორც BBC იუწყება, „თავისუფალი დემოკრატების პარტიის“ ლიდერმა ქრისტიან ლინდნერმა განაცხადა, რომ კანცლერ ანგელა მერკელის კონსერვატიულ „ქრისტიან-დემოკრატიულ კავშირისა და ქრისტიან-სოციალური კავშირის“ ბლოკისადმი „ნდობის საფუძველი“ არ არსებობს.

 


„უმჯობესია არ მართო, ვიდრე მართო მცდარად. ნახვამდის!“, განაცხადა ლინდნერმა.

 

 

მერკელის ბლოკმა სექტემბრის საპარლამენტო არჩევნებში გაიმარჯვა, მაგრამ მთავრობის ფორმირებისთვის საჭირო ხმების რაოდენობა ვერ მოაგროვა.

 


პარლამენტში თავისი პირველი ადგილების მოპოვების შემდეგ ულტრა-მემარჯვენე ნაციონალისტურმა პარტიამ, „ალტერნატივა გერმანიისთვის“ პირობა დადო, რომ იბრძოლებს „უცხოელების გერმანიაში შემოსევის“ წინააღმდეგ.

 


მერკელმა განაცხადა, რომ იგი წუხილს გამოხატავს მოლაპარკებების კოლაფსის გამო და აღნიშნა, რომ ორშაბათს, მოგვიანებით, შეხვდება გერმანიის პრეზიდენტს, რომ ოფიციალურად მოახსენოს მოლაპარაკებების ჩაშლის შესახებ.

 


„ეს არის ღრმა ჩაფიქრების დღე, თუ როგორ უნდა წახვიდე წინ გერმანიაში. როგორც კანცლერი, მე გავაკეთებ ყველაფერს იმის უზრუნველსაყოფად, რომ ეს ქვეყანა კარგად იყოს მართული მომავალი რთული კვირების განმავლობაში“, განაცხადა მერკელმა.

 


როგორც BBC წერს, მას შეუძლია უმცირესობის მთავრობის ფორმირება „მწვანეებთანაც“ მოახდინოს, რომელთაც ჯერ კომენტარი არ გაუკეთებიათ.

 


გერმანიის ყოველდღიურმა გამოცემამ, „Frankfurter Allgemeine Zeitung“-მა მოვლენების განვითარებას მერკელის 12-წლიანი მმართველობის ყველაზე საშინელი კრიზისი უწოდა.

 


პარტიები, რომლებიც მოლაპარკებებში იყვნენ ჩართულნი, ღრმად არიან დაყოფილნი გადასახადების, თავშესაფრის მაძიებელთა და გარემოსდაცვითი პოლიტიკის თაობაზე.

 


როგორც BBC-ის კორესპონდენტები ბერლინიდან იუწყებიან, ყველაზე ცხარე კამათი იმაზე წარიმართა, უნდა მიეცეთ თუ არა სირიელ ლტოლვილებს უფლება გერმანიაში თავიანთი ოჯახების წევრები ჩამოიყვანონ.

 


მერკელის კონსერვატიული ბლოკი, ულტრა-მემარჯვენე პარტიის, „ალტერნატივა გერმანიისთვის“ საარჩევნო წარმატების გამო, მათდამი მზრუნველობის გამოჩენით, ფრთხილობს და აცხადებს, რომ საჭიროა მორატორიუმის გაგრძელება ე.წ. ოჯახის ხელახლა შეერთებაზე.

 


პარლამენტში მეორე ყველაზე დიდმა პარტიამ, „სოციალ-დემოკრატებმა“ კი გამორიცხეს მერკელთან ერთად კოალიციურ მთავრობაში დაბრუნება.

 

 

როგორია გერმანიის პარლამენტის ახალი შემადგენლობა: 

 

„ქრისტიან-დემოკრატიულ კავშირისა და ქრისტიან-სოციალური კავშირის“ ბლოკი 246 ადგილი (-65).  „სოციალ-დემოკრატები“ 153 (-40); მემარცხენეები 69(+5); მწვანეები 67 (+4);  „თავისუფალი დემოკრატების პარტია“ 80 (+80); „ალტერნატივა გერმანიისთვის“ 94 (+94) - ჯამში 709 ადგილი. 

 

 

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

სამხრეთ საფრანგეთის ქალაქ პერპიგნანის სიახლოვეს სასკოლო ავტობუსის და მატარებლის შეჯახების შედეგად სულ მცირე ოთხი ბავშვი დაიღუპა, იუწყება BBC ქვეყნის შინაგან საქმეთა სამინისტროზე დაყრდნობით.

ამერიკის შეერთებული შტატების ყოფილმა ვიცე-პრეზიდენტმა, ჯო ბაიდენმა სენატორ ჯონ მაკკეინის ქალიშვილ მეგან მაკკეინთან სატელევიზიო თოქ შოუს დროს მისი მამის, აშშ-ის „რესპუბლიკელი“ სენატორის ჯანმრთელობის შესახებ ნუგეში გამოხატა და მაკკეინის ქალიშვილს რჩევა შესთავაზა მას შემდეგ რაც ვიეტნამის ომის ვეტერანი მრავალგზის სენატორი ოთხშაბათს საავადმყოფოში გადაიყვანეს.

ყველაზე კითხვადი
  1. ნიკა მელიამ ივანიშვილი გააფრთხილა, რომ მთელი ქვეყნის მასშტაბით სამოქალაქო პროტესტს მიიღებს, თუ არ შეწყვეტს სააკაშვილის „უკანონო პოლიტიკურ დევნას“
  2. ვლადიმერ პუტინმა, რომელიც სირიის რუსულ ბაზაზე იმყოფებოდა, სირიიდან რუსული სამხედრო შენაერთების გამოყვანის ბრძანება გასცა
  3. ბავშვები დაიღუპნენ საფრანგეთში სასკოლო ავტობუსის და მატარებლის შეჯახების შედეგად
  4. ცრემლსადენი გაზი და წყლის ჭავლი გამოიყენეს ბეირუთში აშშ-ის საელჩოსთან შეკრებილი პროტესტანტების დასაშლელად
  5. სააკაშვილის მომხრეებმა კიევში პოროშენკოს კუთვნილი „როშენის“ მაღაზიის ფანჯარა ჩაამტვრიეს
  6. გიგი უგულავა: ნუ გვიხარია საქართველოს მესამე პრეზიდენტის დაპატიმრება
  7. კიევის ცენტრში, მიხეილ სააკაშვილის მხარდამჭერების მიტინგზე, ეროვნული ხსნის კომიტეტის ჩამოყალიბების მოწოდება გაკეთდა
  8. უკრაინული მედია: მიხეილ სააკაშვილი დააკავეს
  9. პატიმრობიდან გათავისუფლებულმა სააკაშვილმა თქვა, რომ იგი, როგორც სიმბოლო, ისე დააპატიმრეს: „პუტინს ასეთი სიმბოლო ხადარკოვსკი ჰყავდა, იანუკოვიჩს ტიმოშენკო, პოროშენკოსთვის სიმბოლო რატომღაც მე გავხდი“
  10. ნეთანიაჰუს განცხადებით ის, რომ იერუსალიმი 3 000 წლის განმავლობაში ისრაელის დედაქალაქია, შეუძლიათ წაიკითხონ იმ „მშვენიერ წიგნში“, რომელსაც „ბიბლია ჰქვია“
ბოლო სიახლეები
ამინდის პროგნოზი
ვალუტის კურსი