უკრაინის გენერალური პროკურორი იური ლუცენკო ოდესის ოლქის ყოფილი გუბერნატორის, მიხეილ სააკაშვილის საქმეზე პეჩორის სასამართლოს მიერ გუშინ მიღებულ გადაწყვეტილებას გამოეხმაურა.
ლუცენკოს თქმით, ბრალდების მხარე სასამართლოს გადაწყვეტილებას არ ეთანხმება და მას დადგენილ ვადაში გაასაჩივრებს.
„სასამართლოს ყველა მტკიცებულება გადავეცით. ამის მიუხედავად, ის გაათავისუფლეს. ემოციებისგან თავს შევიკავებ, დაველოდოთ აპელაციას“, განაცხადა გენერალურმა პროკურორმა.
კიევის პეჩორის სასამართლომ პროკურატურის შუამდგომლობა ოდესის ოლქის ყოფილი გუბერნატორისთვის აღკვეთის ღონისძიების სახით შინაპატიმრობის შეფარდების შესახებ არ გაითვალისწინა და სააკაშვილი სასამართლო დარბაზიდან რადას დეპუტატების თავდებობის საფუძველზე გაათავისუფლა.
სასამართლოს გადაწყვეტილების გასაჩივრებისთვის ბრალდების მხარეს ხუთდღიანი ვადა აქვს.
სასამართლოს დარბაზიდან გათავისუფლების შემდეგ, სააკაშვილმა მედიის წარმომადგენლებს განუცხადა, რომ იგი, როგორც სიმბოლო, ისე დააპატიმრეს.
„პუტინს ასეთი სიმბოლო ხადარკოვსკი ჰყავდა. იანუკოვიჩისთვის სიმბოლო იულია [ტიმოშენკო] იყო, პოროშენკოსთვის სიმბოლო რატომღაც მე გავხდი. მე სრულებით არ მახარებს ეს“, აღნიშნა სააკაშვილმა, რომლის თქმითაც, მისი გათავისუფლების მიზეზი ხალხის ის რაოდენობა გახდა, რომელიც მის მხარდასაჭერად კიევის ქუჩებში გამოვიდა.
„დღეს სასამართლომ არ შეასრულა მათი ბრძანება. ეს ნიშნავს, რომ ჩვენთან უკრაინაში ყველაფერი არ არის დაკარგული“, თქვა სააკაშვილმა მედიასთან საუბრისას.
„ხალხის შეეშინდათ, ეს არის დიდი გამარჯვება”, დაამატა მან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.