საპარლამენტო უმრავლესობის წევრმა, ზაქარია ქუცნაშვილმა განაცხადა, რომ არ არის გამორიცხული პრემიერ მინისტრმა გიორგი კვირიკაშვილმა თანამდებობა დატოვოს.
ქუცნაშვილმა ამის შესახებ სამაუწყებლო კომპანია „რუსთავი 2“-ის პირდაპირ ეთერში, გადაცემა „განსხვავებულ აქცენტებში“ განაცხადა.
მან დააზუსტა, რომ ეს „თეორიულად დასაშვებია“.
„2-3 წელში ყოველთვის ხდება საქართველოს მთავრობის განახლება პრემიერ მინისტრის დონეზე, თუ დააკვირდებით. ასე რომ, ამ დაშვებიდან გამომდინარე არაფერი გამოსარიცხი არ არის, მაგრამ ეს შემთხვევა, ეს კაზუსი არაფერ კავშირში არ არის ამ საკითხთან [უცნობის, გიორგი გაჩეჩილაძის და გიორგი კვირიკაშვილის დაპირისპირებასთან], უფრო მეტიც, თავად გიორგიმ [კვირიკაშვილმა] აწია ეს თემა, როცა თქვა, რომ თუ ამ საკითხის უკანონობას დაადასტურებს სასამართლო ან კონკურენციის სააგენტო ან შესყიდვების ეროვნული სააგენტო, მე მზად ვარ თანამდებობიდან წავიდეო. ეს ძალიან მაღალი სტანდარტია“, განაცხადა ზაქარია ქუცნაშვილმა და დააკონკრეტა:
„რა თქმა უნდა მე ამას არ გამოვრიცხავ, მაგრამ არა ამ ფაქტის გამო [უცნობის - გიორგი გაჩეჩილაძის და გიორგი კვირიკაშვილის დაპირისპირების გამო], არამედ იმის გამო, რომ პერიოდული მონაცვლეობა ხელისუფლებას სჭირდება“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.