თბილისის სამ უნივერსიტეტში გამოკითხული 250 სტუდენტი გოგონადან დაახლოებით 10%-ზე მეტმა თქვა, რომ აბორტი 5-6 ჯერ აქვთ გაკეთებული. გამოკითხულთა 7%-ს კი პირველი აბორტი 14 წლის ასაკში გაუკეთებია.
ამის შესახებ „დემოგრაფიული ფონდის“ ხელმძღვანელმა, თამარ ჩიბურდანიძემ გაზეთ „რეზონანსთან“ საუბრისას განაცხადა.
მისი თქმით, კვლევა ივანე ჯავახიშვილის სახელობის თბილისის უნივერსიტეტში, კავკასიის საერთაშორისო უნივერსიტეტსა და ტექნიკურ უნივერსიტეტში დემოგრაფებმა ანზორ თოთაძემ და ანზორ სახვაძემ ჩაატარეს და ჯამში 500 სტუდენტი - 250 გოგონა და 250 ბიჭი გამოიკითხა.
„კვლევაში არ უთქვამთ, აბორტი ექიმის დახმარებით თუ ოჯახურ პირობებში გაიკეთეს, თუმცა ძირითადად მედიკამენტური აბორტის შემთხვევებია. კვლევამ აჩვენა, რომ გამოკითხული 18-22 წლამდე ასაკის 250 გოგონადან 10%-ზე მეტმა თქვა, რომ აბორტი 5-6ჯერ აქვთ გაკეთებული. 7%-ს კი პირველი აბორტი 14 წლის ასაკში ჰქონდა გაკეთებული“,- განაცხადა თამარ ჩიბურდანიძემ გამოცემასთან საუბრისას.
მანვე აღნიშნა ისიც, რომ გამოკითხული გოგონების 27%-ს პირველი სექსუალური ურთიერთობა 13-14 წლის ასაკში ჰქონდა, ხოლო 80%-მა არ იცოდა, რომ პირველი აბორტი უშვილობას იწვევს.
„მიუხედავად იმისა, რომ გამოკითხვა ანონიმური იყო, მაინც დიდი ალბათობაა, რომ რეალურად აბორტის მაჩვენებლი ახალგაზრდებში ბევრად უფრო მეტი იყოს“,- განაცხადა „დემოგრაფიული ფონდის“ ხელმძღვანელმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.