ჩინეთს არ სურს სავაჭრო ომებში მონაწილეობა, მაგრამ მზად არის დაიცვას თავისი ინტერესები ამერიკის შეერთებულ შტატებთან კონფრონტაციაში, განაცხადა ჩინეთის სახალხო რესპუბლიკის საგარეო საქმეთა სამინისტროს ოფიციალურმა წარმომადგენელმა ხუა ჩინინმა.

მისი თქმით, ბოლო პერიოდში დიდი ყურადღება ეთმობა ამერიკის შეერთებულ შტატებთან და ზოგიერთ ქვეყანასთან ვაჭრობის სფეროში არსებულ უთანხმოებას. მან აღნიშნა, რომ პეკინმა არაერთხელ გამოხატა „მკაფიო პოზიცია ამ საკითხზე“.

„ჩინეთს არ სურს სავაჭრო ომებში მონაწილეობა, მაგრამ თუკი ვინმე გვაიძულებს ამგვარ „ომებში“ მონაწილეობას, ჩვენ არ შევშინდებით და არ დავიმალებით, და თუკი აშშ განახორციელებს ქმედებებს, რომელიც დააზიანებს ჩვენ ინტერესებს, ჩვენ ყოველმიზეზგარეშე მივიღებთ გადამწყვეტ საპასუხო ზომებს, რომ სრულად დავიცვათ ჩვენი კანონიერი უფლებები და ინტერესები“, აღნიშნა დიპლომატმა, როგორც ამას „რია ნოვოსტი“ იტყობინება.

მან დაამატა, რომ აშშ-ის და ჩინეთის 40-წლიანმა თანამშრომლობამ ხელი შეუწყო მსხვილი ბაზრისა და დიდი ოდენობის სამუშაო ადგილების შექმნას.

„აშშ-ს ჩინეთთან ეკონომიკური თანამშრომლობით მოგება რომ არ მიეღო, მაშინ ამერიკასა და ჩინეთს შორის ვაჭრობა ვერ მიაღწევდა ასეთ სწრაფ ზრდას“, განაცხადა ხუა ჩუნინმა.

მისი სიტყვებით, ქვეყნებმა „უნდა გაუხსნან ერთმანეთს თავიანთი ბაზრები, გააფართოვონ თანამშრომლობა, ნაცვლად იმისა, რომ აწარმოონ სავაჭრო ომები ან აიძულონ ვინმე, გაყიდონ ან იყიდონ რაიმე“.