პრეზიდენტმა დონალდ ტრამპმა შაბათს, კანადაში დიდი შვიდეულის სამიტის ფარგლებში გამართული შეხვედრების შემდეგ პრესკონფერენციაზე კიდევ ერთხელ გააკეთა მოწოდება იმის შესახებ, რომ დიდ შვიდეულს, რომელიც ადრე დიდი რვიანი იყო, რუსეთი უნდა შეუერთდეს - რუსეთი, რომელიც 2014 წელს გაერთიანებიდან გაძევებულ იქნა ყირიმის ანექსიის გამო, რაც მეორე მსოფლიო ომის შემდეგ ევროპული საზღვრების დარღვევის პირველი შემთხვევა იყო - და მან მის წინამორბედს, ბარაქ ობამას დასდო ბრალი რუსეთის მიერ ყირიმში განხორციელებულ აგრესიაში.
„ვფიქრობ, რუსეთის უკან დაბრუნება იქნებოდა სარგებლის მომტანი. ვფიქრობ, ეს იქნებოდა კარგი მსოფლიოსათვის. ვფიქრობ, ეს იქნებოდა კარგი რუსეთისათვის. ვფიქრობ, ეს იქნებოდა კარგი შეერთებული შტატებისათვის. ვფიქრობ, ეს იქნებოდა კარგი ახლანდელი დიდი შვიდეულის ყველა ქვეყნისათვის. ვფიქრობ, დიდი რვიანი იქნებოდა უკეთესი“, განაცხადა ტრამპმა.
ამერიკის პრეზიდენტი რუსეთის გლობალურ სახელმწიფოთა გაერთიანებაში უკან დაბრუნების მომხრეა იმისდა მიუხედავად, რომ კრემლი განაგრძობს ყირიმის ოკუპაციას და საერთაშორისო სამართლის მიხედვით ჯერაც უკრაინის შემადგენლობაში მყოფ ყირიმს, ჯიუტად, მის განუყოფელ ტერიტორიად აცხადებს.
„თქვენ ეს ობამას უნდა ჰკითხოთ, რადგან ის იყო ის, ვინც ყირიმის გადაცემის ნება დართო“, თქვა ტრამპმა ყირიმის ანექსიაზე დასმული შეკითხვის - უნდა იყოს თუ არა ყირიმი აღიარებული რუსეთის ტერიტორიად? - პასუხად. „ობამას შეუძლია თქვას ყველაფერი რაც უნდა, მაგრამ მან მისცა საშუალება რუსეთს, წაეღო ყირიმი. მე შესაძლოა, დიდად განსხვავებული პოზიცია და დამოკიდებულება მქონოდა. თქვენ ამ კითხვით შეგიძლიათ ობამას მიმართოთ. რატომ გააკეთა მან ეს? რატომ გააკეთა მან ეს? მაგრამ ეს დიდი ხნის წინ მოხდა“, განაცხადა ტრამპმა. (დაბლა ვიდეოში მე-14:52 წუთიდან)
როგორც ოაბამას ადმინისიტრაციის უსაფრთხოების საბჭოს ყოფილმა წარმომადგენელმა, ნედ პრაისმა CNN -ს უთხრა, „დღევანდელი დღე ზუსტად ახდენს იმის კრისტალიზებას, თუ რატომ იყო პუტინი ასე საოცრად მოწადინებული იმისათვის, რომ ტრამპი აერჩიათ“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.