პარლამენტის საგამოძიებო კომისიის სხდომაზე „ხორავას ქუჩის“ საქმის პროკურორმა, ზვიად ფხაკაძემ განაცხადა, რომ კომისიის გუშინდელი სხდომის მიმდინარეობისას, ზაზა სარალიძის სახელით მუქარის შემცველი, შეურაცხმყოფელი შეტყობინებები მიიღო.
„როდესაც მე კომისიას ვაძლევდი ახსნა-განმარტებას, იმ პროცესში ჩემს კუთვნილ მობილურ ტელეფონზე შემოვიდა მუქარის შემცველი ტექსტები, რაც უკავშირდებოდა, აშკარად ჩემს საპროკურორო საქმიანობას და ასევე კავშირში იყო იმ ახსნა-განმარტების შინაარსთან დაკავშირებით, რასაც მე კომისიას ვაძლევდი. აღნიშნულთან დაკავშირებით, მე მივმართე შესაბამისი მოხსენებით ბარათით კომპეტენტურ პირს და მოხდება სათანადო რეაგირება. მინდა ცნობისთვის იცოდეთ, რომ ჩემ მიერ ახსნა-განმარტების მიცემის პროცესი ხორციელდებოდა გარკვეული პირების მხრიდან კონკრეტული მუქარის შემცველი ტექსტების ქვეშ. რაც შეეხება შინაარსობრივ მხარეს, თუ კომისიის რომელიმე წევრი დაინტერესედება მე შემიძლია ვაჩვენო ჩემს მობილურ ტელეფონში არსებული მუქარის შემცველი ტექსტები, ოღონდ ეს იქნება იმდენად პირადი, რადგან შეურაცხმყოფელი შინაარსიც არის და დახურულ სხდომაზე შემიძლია წარმოვადგინო“, განაცხადა კომისიის დღევანდელ ხსდომაზე ზვიად ფხაკაძემ.
მოგვიანებით საქმის პროკურორმა დააკონკრეტა, რომ მუქარის შემცველი, შურაცხმყოფელი შეტყობინებები მასთან ზაზა სარალიძის სახელით მიდიოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.