ტელეკომპანია „რუსთავი 2“-მა და დანარჩენმა მომჩივნებმა (ტელეკომპანია „საქართველო“ და ძმები ყარამანიშვილები) უკვე მეორედ ითხოვეს ადამიანის უფლებათა ევროპული სასამართლოსგან პოზიციის წარდგენისთვის ვადის გადაწევა, რაც არ დაკმაყოფილდა.
საქმის თაობაზე საქართველოს იუსტიციის სამინისტროს მიერ წარდგენილი არგუმენტაციისა და პოზიციების თაობაზე შეპასუხებისთვის სტრასბურგის სასამართლომ „რუსთავი 2“-ს ვადა 2018 წლის 30 მაისამდე განუსაზღვრა. ტელეკომპანიის წარმომადგენლებმა 2018 წლის 3 მაისს ითხოვეს ხსენებული ვადის ერთი თვით გახანგრძლივება, რადგან სურდათ, მთავრობის პოზიციაზე შეპასუხებასთან ერთად წარედგინათ გარკვეული საექსპერტო დასკვნა. სასამართლოს მიერ დაკმაყოფილდა აღნიშნული თხოვნა და პოზიციის წარდგენის ვადად განისაზღვრა 2018 წლის 28 ივნისი.
მიმდინარე წლის 21 ივნისს ტელეკომპანია „რუსთავი 2“-მა და სხვა მომჩივნებმა კვლავ ითხოვეს ვადის დამატებით ერთი თვით გაგრძელება 27 ივლისამდე საექსპერტო დასკვნის წარსადგენად.
სასამართლომ, დასაბუთებად მოყვანილი არგუმენტის გათვალისწინებით, უარი განაცხადა ვადის უკვე მეორედ გაგრძელებაზე. შესაბამისად, საქართველოს იუსტიციის სამინისტროს პოზიციებზე შეპასუხების ვადად დარჩა 2018 წლის 28 ივნისი.
აღსანიშნავია, რომ ტელეკომპანია „რუსთავი 2“-ის, ტელეკომპანია „საქართველოს“, ლევან და გიორგი ყარამანიშვილების საჩივრის საპასუხო არგუმენტები და პოზიციები საქართველოს იუსტიციის სამინისტრომ სტრასბურგის სასამართლოს წარუდგინა დადგენილ ვადაში − 2018 წლის 28 მარტს.
ინფორმაციას საქართველოს იუსტიციის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.