სწორედ ეს არასამთავრობოები არიან, რომლებიც უნიათოს ხდიან ხელისუფლებას, აცხადებს „პატრიოტთა ალიანსის“ წევრი ემზარ კვიციანი და ხელისუფლებას გამოფხიზლებისკენ მოუწოდებს.
როგორც დღეს პარლამენტის სესიაზე კვიციანმა აღნიშნა, „ქართული ოცნება" სწორედ მესამე სექტორის მითითებებს ასრულებს და ისე წყვეტს, ვინ დატოვოს მინისტრის პოსტზე და ვინ - არა.
ამ კონტექსტში, მან თეა წულუკიანზე ისაუბრა და აღნიშნა, რომ მის გადადგომას არასამთავრობოები მოითხოვენ, რადგან წულუკიანი ეროვნულობისკენ წამოვიდა".
„ამხელა ძალა ამ არასამთავრობოებს, რომ უკვე გაძალებენ დააყენოთ მინისტრი, გადააყენოთ მინისტრი. სამარცხვინოა უბრალოდ. კარგია ძალიან, თეა წულუკიანმა ეტყობა რაღაც გამოასწორა, წამოვიდა უკვე უკეთესობისკენ, ეროვნულობისკენ და იმიტომ უნდათ გადადგომა მაგისი. გამოცოცხლდით პატარა და გამოაცოცხლეთ ხელისუფლება. სწორედ ეს არასამთავრობოები არიან, რომლებიც უნიათოს ხდიან ხელისუფლებას. არ აძლევენ საშუალებას მუშაობის იმიტომ, რომ ეშინიათ. რა გააკეთონ არ იციან. ხვალ გააგდებენ სამსახურიდან არასამთავრობოები. ბოკერია, რომ დაკითხავს წარმოიდგინე. უამრავი პროკურორია მოსაშორებელი, რომლებიც სამართლიანობის აღდგენას უშლის ხელს", განაცხადა ემზარ კვიციანმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.