საპარლამენტო უმრავლესობის წევრის, ზაზა ხუციშვილის განცხდებით, დამტკიცდა, რომ ოპოზიციამ ცრუ განგაში ატეხა და მხოლოდ პოლიტიკური დღის წესრიგით ხელმძღვანელობდა, როცა ბიძინა ივანიშვილის კომპანიისთვის საპარკინგე ტერიტორიის ერთ ლარად გადაცემას აპროტესტებდა.
„როგორც ცნობილი გახდა თბილისის მერიის მიერ გამოხატულ ინტერესს მიწისქვეშა საპარკინგე სივრცის მოწყობის შესახებ, რაც შესაბამისი ტერიტორიის 1 ლარად გადაცემას ითვალისწინებდა, არც ერთი კომპანია არ გამოეხმაურა. მიწისქვეშა პარკირების სივრცის მოწყობა სოლიდური თანხების გრძელვადიან ინვესტიციას ითვალისწინებს, რაც ამ ეტაპზე კერძო ბიზნესისთვის საინტერესო არ აღმოჩნდა. კიდევ ერთხელ დამტკიცდა, რომ ოპოზიციამ ცრუ განგაში ატეხა და მხოლოდ პოლიტიკური დღის წესრიგით ხელმძღვანელობდა, როცა ბიძინა ივანიშვილის კომპანიისთვის საპარკინგე ტერიტორიის ერთ ლარად გადაცემას აპროტესტებდა. მათი მიზანი არა ქალაქის „დაცვა", არამედ ივანიშვილის მიმართ საზოგადოების უარყოფითად განწყობა იყო, რასაც ვერ მიაღწიეს. ცხადია, რომ ასეთი პროექტების განხორციელებაში პოტენციურ ინვესტორებს ქალაქის ხელმძღვანელობამ მაქსიმალურად უნდა შეუწყოს ხელი", აცხადებს ზაზა ხუციშვილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.